Ɛksodɔs 10:1 - EBƆRƐ BE KAWƆL

¹ Kede be kaman nɛ Enyɛnpe Ebɔrɛ naŋ kaŋɛ Mosis le: “Naŋ yɔ ewura Fɛɛro kutɔ n ya shin nɛ mo nɛ mbe beyaasepo kikɛ be ŋgbene e ki kpakpa, saŋɛ na so meeŋ wora ma emamachisheŋ ere nɛ b wu amo.

Ɛksodɔs 10:1 ပူးပေါင်းရင်းမြစ်များ

Nshɛ 7:11

Fee ji asheŋ nɛ amo be ekpa so nna, nsaa nya agbo karechɛ kikɛ ŋkpal alubi so.

Ɛksodɔs 10:20

Ama ade kikɛ be kaman nɛ Enyɛnpe Ebɔrɛ naŋ shin nɛ Fɛɛro be kagbene naŋ ki kpakpa nɛ e naŋ kini keshin nɛ Israɛlebi na e yɔ.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 7:4

Fɛɛro kraa maaŋ nu n sa fo. Kumo be kaman meeŋ shin nɛ b wu ma eleŋ, nɛ m bar kasogberge kpakpaso damta Ijiptebi so pɔɛŋ nseŋ juŋkpar ma basa Israɛlebi be nnaŋana na n lar Ijipt be kasawule na so.

Ɛksodɔs 9:12

Ama ade kikɛ gba be kaman, Enyɛnpe Ebɔrɛ kraŋ shin nɛ ewura Fɛɛro wora kagbene kpakpaso nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ baŋ kaŋɛ na.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Baru lela nɛ Jɔn kute na 12:40

“N tan bumo be anishiana nseŋ ti bumo be ŋgbeneana, nɛ mannɛ aloŋ, bumo be anishiana beeŋ bugi asheŋ be kewuto nɛ bumo be ŋgbene e bugi asheŋ be kepinto nɛ b ba ma kutɔ nɛ n lara bumo ashi bumo be kebaawɔtɔ na to n sa bumo kebaawɔtɔ popɔr.”

Romebi 9:17

Ŋkpal manɛ so, le nɛ abɔrɛsibɛ na bee kaŋɛ fanɛ Ebɔrɛ kaŋɛ ewura Fɛɛro: “M maŋ fo so nna ŋkpal le so nɛ m bɔla fo so ŋ ŋini ma eleŋ nseŋ shin nɛ durnya kikɛ e pin ma asheŋ.”

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

1 Samuɛl 4:8

Nuso be asheŋ nde? Wanɛ e naaŋ tiŋ m mɔlga anyi ashi Israɛl be Ebɔrɛ lempo ere be enɔ to? Loŋ be Ebɔrɛ ere e shin nɛ alɔ be yiri yiri ba mɔ Ijiptebi ashi keshishɛrsawule na to dra dra na.