Ɛksodɔs 1:12 - EBƆRƐ BE KAWƆL

¹² Ama kanaŋkama nɛ b daŋ baa tɔrɔ Israɛlebi na, bumo alɛ daŋ baŋ kraa wora keshi nna a ti so nseŋ sɔ kasawule na so kikɛ nɛ Ijiptebi na fara a ŋana Israɛlebi na alegaiso.

Ɛksodɔs 1:12 ပူးပေါင်းရင်းမြစ်များ

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

Nehemaya 9:23

Fo daŋ bar bumo kasawule nɛ fo nase kumo be kɔnɔ n sa bumo nanaana na so nna. Kumo be kaman nɛ fo nɛfa bumo nɛ k wora fanɛ bumo be efuli so be basa ka daa shi a chɔ achɛkpabi nɛ e wɔ awɔlpa to na.

Job be kawɔl 5:2

Kayurbesa nɛ kukɔrkɔ e naŋ mɔ ewulpo nɛ e maŋ nyi asheŋ.

Nshɛ 105:24

B ka la Enyɛnpe Ebɔrɛ be basa so, e daŋ shin nna nɛ b salga to nseŋ nya eleŋ a chɔ bumo doŋana.

Nshɛ 107:38

Enyɛnpe Ebɔrɛ na beeŋ nɛfa menyi, nseŋ shin nɛ menyi be mbia e wora keshi; mo alɛ maaŋ shin nɛ menyi be ana e duga so.

Ɛksodɔs 1:20

Ŋkpal loŋ so Ebɔrɛ daŋ wora beche nɛ baa sɔ kakurge na kelela nna nɛ Israɛlebi na malɛ wora keshi n naŋ ti so gba kuraa.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Ɛksodɔs 1:9

Kachako nɛ e kaŋɛ mbe basa le: “Men keni, naniere Israɛlebi ere wora keshi ga nsaa kɔ eleŋ ga a chɔ anyi.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aŋasa 27:4

Esa nɛ e bee nya agbo manaŋ manaŋ lubi a chɔ, esa nɛ e bee kɔ kukɔrkɔ lubi.

Nɔmbɛs 22:3

nɛ kufu pɛ mo nɛ mbe basa kikɛ ga.

Baru lela nɛ Jɔn kute na 12:19

Ndoŋ nna nɛ Efarisiana na kaŋɛ abar le: “Men keni, an maaŋ tiŋ n wora shɛŋ nna na, ŋkpal manɛ so, durnya kikɛ e muu a bɛ mo so na.”

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.