Ɛsta 9:4 - EBƆRƐ BE KAWƆL

⁴ Mɔdikaya daŋ ki esagboŋ nna ashi ewurkpa na nɛ mbe ketre dii ashi efuli na so kikɛ nɛ mbe eleŋ malɛ bee ti so saŋkama.

Ɛsta 9:4 ပူးပေါင်းရင်းမြစ်များ

2 Samuɛl 3:1

Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

1 Kronikɛls 11:9

Ŋkpal Enyɛnpetale ka daa wɔ Deevid kutɔ so, mbe kuwurji daŋ baa nya eleŋ nna a ti so saŋkikɛ.

1 Kronikɛls 14:17

Amoso Deevid be ketre daŋ dii n yɔ kaplɛkama nna, nɛ Enyɛnpe Ebɔrɛ shin nɛ efuli kama so ebi bee ŋana mo.

Ɛsta 10:2

B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 18:43

Fo mɔlga ma ashi kumukpakpaso wuraana be enɔ to; nseŋ ta ma ŋ ki efuli pɔtɛana be ejuŋkparpo. Basa nɛ n daa maŋ tama fanɛ baaŋ shuli n sɔ ma ŋ ki bumo be ewura na.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Ɛksodɔs 11:3

Ndoŋ nna nɛ Enyɛnpe Ebɔrɛ shin nɛ Ijiptebi na be ŋgbene pɛ Israɛlebi na ga nɛ ewura Fɛɛro be beyaasepo gba nɛ Ijipt be basa kikɛ fara a keni Mosis a bɔlɔ kenishi.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Zefanaiya 3:19

Jemanɛ na kaŋ fo, meeŋ gberge bekama nɛ b kɔrfɛ menyi na kusoe. Ma alɛ beeŋ mɔlga ebobi nseŋ gama basa nɛ b pesaŋ to na abar so. Meeŋ shin nɛ bumo be nyɔmɔ e ki bunyaŋ n sa bumo, nɛ durnya kikɛ e baa kpaŋ bumo.

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Joshuwa 6:27

Ŋkpal Enyɛnpe Ebɔrɛ na ka daa wɔ Joshuwa kutɔ so mbe ketre daŋ dii nna ga ashi efuli na kikɛ so.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.