Ɛsta 9:22 - EBƆRƐ BE KAWƆL

²² Le be nchɛ ere nɛ Juwebi na daŋ pɔɔ bumo doŋana so nɛ bumo kagbenejija ki kagbenefuli na. E daŋ kaŋɛ bumo nna fanɛ b ta loŋ be nchɛ na nna ŋ ki kejigboŋ nɛ ajibi be kedaŋɛ n chige abar nɛ betirpo.

Ɛsta 9:22 ပူးပေါင်းရင်းမြစ်များ

Ɛsta 9:19

Amoso nɛ Juwebi nɛ b wɔ ndekarso na yili kufɔl nɛ baa tre Adar na be nchɛ kuduana na fanɛ kagbenefuli nɛ kejigboŋ be kewushiachɛ nɛ kachɛ nɛ baa chige abar ajibi na.

Ɛsta 9:21

fanɛ kufɔl nɛ baa tre Adar na be nchɛ kuduana nɛ kuduanu na e baa la nchɛgboŋ kafɛ kikɛ to n sa bumo.

Ɛsta 9:23

Ndoŋ nna nɛ Juwebi na shuli n sɔ kusɔ kama nɛ Mɔdikaya sibɛ n sa bumo na, nseŋ ta loŋ be nchɛ na ŋ ki nchɛgboŋ kafɛ kikɛ to.

Nshɛ 103:2

Meeŋ ta ma kagbene kikɛ ŋ kpaŋ Enyɛnpe Ebɔrɛ na! Ma alɛ maaŋ teŋ asheŋ lela nɛ e wora ma na kikɛ so.

Nshɛ 149:7

nɛ b ya kɔ m pɔɔ efuli pɔtɛana be basa so ŋ gberge bumo kusoe;

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Nshɛ 30:12

Amoso m maaŋ lo ma kɔnɔ. Enyɛnpe Ebɔrɛ, meeŋ fur fo, a di fo ketre epaŋ mbaanaayɔ.

Nshɛ 37:15

Ama bumo gbagba be nsaŋɛ na beeŋ kilgi n da bumo m mɔ, nɛ bumo be ata na e buri to.

Aizaaya 14:3

Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.

Zakareya 8:19

E yɛ: “Ekishi nɛ menyee kishi kufɔl nasopo nɛ kenusopo nɛ keshunusopo nɛ kudusopo to na beeŋ ki kayurji nɛ kagbenefuli be nchɛgboŋ n sa Juda be efuli so ebi. Amoso a daga fanɛ men baa sha kashenteŋ nɛ kayurwushi.”

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Galeeshaebi 2:10

Kusɔ nɛ b daŋ baŋ kaŋɛ n ti so e la fanɛ an baa kraa chɛ betirpo to, loŋ malɛ gbagba nɛ n daa baŋ pere kenishi a wora.

Ditɛronɔmi 15:7

Kede be kaman nɛ asheŋ tir Israɛl be basa ko nɛ b wɔtɔ menyi be ndeana to ashi kasawule nɛ Enyɛnpe menyi be Ebɔrɛ na bee sa menyi ere so, kumo ere men sa maŋ kaa wora kejimuni nseŋ kini kechɛ bumo to.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Ditɛronɔmi 16:15

Menyeeŋ ji kachɛgboŋ na m bɛ abar so nchɛnshunu ashi kakpa nɛ menyeeŋ baa shuŋ Ebɔrɛ na n ta kemaŋkura n sa Enyɛnpe menyi be Ebɔrɛ na. Menyi alɛ e shin nɛ menyi be ŋgbene e fuli menyi ŋkpal Enyɛnpe Ebɔrɛ na ka nɛfa menyi be adɔ nɛ ashuŋ so.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

1 Samuɛl 25:8

Fo bishi fo mbolpɔkpapoana na, bumo alɛ gba beeŋ kaŋɛ fo le be kesheŋ koŋwule ere. Kejigboŋ be kachɛ nɛ an ba na, amoso Deevid yɛ, fo keta anyi nɛnɛ. E yɛ kusɔ kama nɛ fo kɔ, fo ta kumo n chɛ fo teri Deevid nɛ fo nyɛrbi to.”