Ɛsta 9:13 - EBƆRƐ BE KAWƆL

¹³ Nɛ Ɛsta kaŋɛ mo le: “Yiramu, nɛ k par fo bre, fo naŋ shin nɛ Juwebi na e wora kusɔ nɛ b wora kabre ashi Susa ere echefo gba, nseŋ shin nɛ b chɛ Heman be mbinyɛnsobi kudu na be kebuni efɔl n shiga ndibi nɛ b yuu na so.”

Ɛsta 9:13 ပူးပေါင်းရင်းမြစ်များ

2 Samuɛl 21:6

Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

2 Samuɛl 21:9

Bumo nɛ Deevid daŋ ta n sa Gibiɔnebi na nɛ b ya chɛ efɔl ashi kebee so be kakpa nɛ baa bunyaŋ Enyɛnpe Ebɔrɛ na nɛ bumo basa ashunu na kikɛ wu kachɛ koŋwule, saŋɛ so nɛ b baŋ fara a buri akoŋboyu na.

Ɛsta 8:11

Kusɔ nɛ nwɔl na kaŋɛ e la fanɛ ewura sa Juwebi ekpa fanɛ b kreto nɛnɛ ŋ kɔ m mɔlga bumo amu. E yɛ nɛ benapo ko koso nɛ b ba kɔ Juwebi be benyɛn ŋko beche ŋko mbia, Juwebi na kɔ ekpa nɛ b tu loŋ be bedoŋ na ŋ kɔ m mɔ bumo be kikɛ nseŋ ta bumo asɔ kikɛ ŋ ki bumo peya.

Ɛsta 9:14

Nɛ Ewura na sa ekpa ashi Susa be kade to fanɛ b chɛ Heman be mbia na be kebuni efɔl n shiga nɛ esa kama e wu bumo. Ndoŋ nna nɛ b chɛ mbe mbinyɛnsobi kudu na kikɛ be kebuni efɔl n shiga.

Ɛsta 9:15

Kufɔl nɛ baa tre Adar na be nchɛ kuduana nɛ Juwebi nɛ b wɔ Susa be kade to na naŋ chala abar m mɔ basa alfa asa kade na to, ama b maŋ ta bumo be kusɔ kama bre.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ditɛronɔmi 21:23

a maŋ daga kebuni na ka shiga kedibi na so hale nɛ kare a chɛ kumo so. A daga fanɛ b puli kumo kamɔnchɛ na kikɛ, ŋkpal manɛ so, kebuni be kebaasha kedibi so bee gberge Ebɔrɛ be kɔnɔsho a ba kasawule na so nna. Amoso men baa puli basa nɛ baa chɛ a shiga ndibi so a mɔ na, saŋɛ na so menyi maaŋ jija kasawule nɛ Enyɛnpe menyi be Ebɔrɛ na ta a sa menyi na.