Ɛsta 8:9 - EBƆRƐ BE KAWƆL

⁹ Kufɔl sasopo nɛ baa tre Sivan na be nchɛ adunyɔ nɛ asa nɛ b shɛr ewurkpa be nwɔlsibɛpoana na epul to, nɛ Mɔdikaya malga nɛ b sibɛ nwɔl n sa Juwebi na nɛ bejuŋkparpo nɛ ekrachiana nɛ benimuana nɛ b wɔ efuli na be abonfu kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na. Efuli kama so ebi be ŋgbar to nɛ Juwebi be ŋgbar to nɛ b daŋ sibɛ nwɔl na n sa bumo.

Ɛsta 8:9 ပူးပေါင်းရင်းမြစ်များ

2 Bewura 18:26

Ndoŋ nna nɛ Eliakim nɛ Shɛbna nɛ Jowa kaŋɛ benapo be ejuŋkparpo na le: “Jande, ta Aramaik be ŋgbar to a malga anyi kutɔ. Amo nɛ anyee nu. Sa maa malga Hibruw be ŋgbar to, ŋkpal manɛ so, basa nɛ b wɔ egbalana ere so ere kikɛ beeŋ nu kusɔ nɛ anyee malga ere.”

2 Kronikɛls 15:10

Asa be kuwurji be kafɛ kuduanusopo be kufɔl sasopo to nɛ bumo kikɛ ba shɛr Jerusalɛm to.

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Ɛsta 1:22

Ewura na daŋ sibɛ nwɔl yiri kikɛ be ŋgbarto nna n sa mbe efuli so ebi kikɛ fanɛ, k daga kowurnyɛn kikɛ be kamalga ka kɔ eleŋ mbe laŋ to.

Ɛsta 10:1

Ewura Sɛgsis yili lampo nna n sa basa nɛ b tase teku ase nɛ bumo nɛ b maŋ tase teku ase ashi mbe efuli so kikɛ.

Danɛl 4:1

Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 6:1

Ewura Dairus daŋ lara egomena kalfa nɛ adunyɔ nna nseŋ shin nɛ bumo be ekama bee keni mbe efuli be kaba ko so.

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!