Ɛsta 8:5 - EBƆRƐ BE KAWƆL

⁵ “Yiramu, nɛ k par fo nsaa walɛ n sa fo, nɛ fee fɛ ma asheŋ bre, kumo ere fo sibɛ nwɔl ŋ kaŋɛ fanɛ kananɛ Heman kre fanɛ b mɔ anyi Juwebi kikɛ ashi fo kasawule so na e sa maŋ naŋ wora.

Ɛsta 8:5 ပူးပေါင်းရင်းမြစ်များ

Ɛsta 2:17

Ɛsta be asheŋ daŋ par ewura na ga nseŋ bɔlɔ mo kenishi nɛ e sha mo a chɔ beche na be ekama. Ŋkpal loŋ so nɛ e ta kuwurche be kuwurwuro n buu mo nɛ e ki ewurche n tal ewurche Vashti to.

Ɛsta 2:4

Saŋɛ na so feeŋ lara bumo to be emo nɛ fee sha nɛ e ki ewurche n tal Vashti to.” Ewura na ka nu le be kasotoji ere nɛ e wu fanɛ k walɛ nseŋ bɛ kumo so.

Ɛsta 3:1

Asheŋ ere be kaman nɛ ewura Sɛgsis ta kenimu nɛ k bɛ ewura na so na n sa kanyɛn ko nɛ baa tre mo Heman nɛ e la Hammedaata pibinyɛn nseŋ shi Agag be kanaŋ to na.

Ɛsta 5:8

“Nɛ k par fo Yiramu, fo nɛ Heman e naŋ ba tu ma n ji kejigboŋ nfe echefo, saŋɛ na so, meeŋ kaŋɛ fo kusɔ nɛ mee sha.”

Ɛsta 7:3

Ndoŋ nna nɛ ewurche Ɛsta kaŋɛ: “Yiramu, nɛ k par fo bre, kumo ere fo wora le be kusɔ ere n sa ma. Mɔlga ma ŋkpa nseŋ sɔ ma basa n yige n sa ma.

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Ɛksodɔs 33:16

Nɛ fo maŋ tu anyi n yɔ, nuso nɛ esa beeŋ wora m pin ma nɛ fo basa be asheŋ ka bee par fo? Fo kebaawɔ anyi kutɔ e naaŋ shin nɛ an baa kɔr bomin kikɛ to ashi durnya ere to.”

1 Samuɛl 20:29

E yɛ, ‘Jande, shin nɛ n yɔ Bɛtlɛhɛm, ŋkpal manɛ so ma kanaŋ bee lara sarga nna kabre, amoso nɛ mee sha fanɛ ma alɛ gba e ba wɔ ndoŋ. Nɛ fanɛ n la fo teri gbagba nna bre, kumo ere fo sa ma ekpa nɛ n ya wu ŋ kurgepoana.’ Amoso nɛ e maŋ wɔ fo ejikpa nfe na.”