Ɛsta 8:2 - EBƆRƐ BE KAWƆL

² Kumo be kaman nɛ ewura na ta mbe kepinibi nɛ k daa wɔ Heman kutɔ nɛ b kɔ a dulgi ewura be nwɔl sibɛso na n sa Mɔdikaya. Nɛ Ɛsta malɛ shin nɛ Mɔdikaya bee keni Heman be asɔ na so.

Ɛsta 8:2 ပူးပေါင်းရင်းမြစ်များ

Jɛnesis 41:42

Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

Ɛsta 10:2

B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna.

Ɛsta 3:10

Ndoŋ nna nɛ ewura na lara mbe kepinibi nɛ e kɔ a dulgi mbe nwɔl sibɛ so na n sa Hammedaata pibinyɛn Heman nɛ e la Juwebi bumo doŋ na

Ɛsta 8:3

Nɛ Ɛsta naŋ laŋɛ n yɔ Ewura na kutɔ n ya gbir mbe anishito n shu ŋ kule mo fanɛ e wora ania n laŋɛ Heman nɛ e la Agag be kaman to ebi be ŋkre lubi nɛ e daŋ kre Juwebi na.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.