Ɛsta 8:17 - EBƆRƐ BE KAWƆL

¹⁷ Efuli kama nɛ kade kama to nɛ ewura na be mbra na yɔ, Juwebi nɛ b wɔ ndoŋ be ŋgbene bee fuli bumo nna ga nɛ baa ji eyur nsaa wora kejigboŋ. Ŋkpal loŋ so basa damta daŋ ta bumo be amu nna ŋ ki Juwebi ŋkpal b ka bee ŋana Juwebi na so so.

Ɛsta 8:17 ပူးပေါင်းရင်းမြစ်များ

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Ɛsta 9:17

Kufɔl nɛ baa tre Adar na be nchɛ kuduasa na nɛ loŋ daŋ wora. Kachɛ kuduanasopo na bre, b daa maŋ mɔ basa. B daŋ ta loŋ be kachɛ na nna ŋ ki kagbenefuli nɛ kejigboŋ be kachɛ.

Ɛsta 9:19

Amoso nɛ Juwebi nɛ b wɔ ndekarso na yili kufɔl nɛ baa tre Adar na be nchɛ kuduana na fanɛ kagbenefuli nɛ kejigboŋ be kewushiachɛ nɛ kachɛ nɛ baa chige abar ajibi na.

Ɛsta 9:2

Juwebi na daŋ chala abar so nna kade kama to nɛ b wɔ ashi efuli na so kikɛ, saŋɛ na so baaŋ kɔ basa kama nɛ baa sha ketɔrɔ bumo na. Basa nɛ b wɔ efuli na so na malɛ be bekama daŋ maŋ tiŋ n tu Juwebi na ŋ kɔ ŋkpal manɛ so b daa ŋana bumo nna.

Ɛsta 9:22

Le be nchɛ ere nɛ Juwebi na daŋ pɔɔ bumo doŋana so nɛ bumo kagbenejija ki kagbenefuli na. E daŋ kaŋɛ bumo nna fanɛ b ta loŋ be nchɛ na nna ŋ ki kejigboŋ nɛ ajibi be kedaŋɛ n chige abar nɛ betirpo.

Ɛsta 9:27

Juwebi na yili kumo nna fanɛ bumo nɛ bumo nanabiana kikɛ nɛ esa kama nɛ e beeŋ ba ki Juw be esa kachako so, beeŋ baa ji loŋ be nchɛgboŋ anyɔ na fanɛ kananɛ Mɔdikaya kaŋɛ bumo na gbagba.

Ɛsta 9:3

Abane b ekrachiana nɛ efuli na so be benimuana nɛ bejuŋkparpoana na kikɛ daa yil Juwebi na be kaman nna ŋkpal bumo kikɛ ka daa ŋana Mɔdikaya so.

Nshɛ 105:38

Jemanɛ nɛ b lar a yɔ na, Ijiptebi na be ŋgbene daŋ fuli bumo nna, ŋkpal manɛ so, kufu daŋ pɛ bumo nna.

Nshɛ 18:43

Fo mɔlga ma ashi kumukpakpaso wuraana be enɔ to; nseŋ ta ma ŋ ki efuli pɔtɛana be ejuŋkparpo. Basa nɛ n daa maŋ tama fanɛ baaŋ shuli n sɔ ma ŋ ki bumo be ewura na.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Ditɛronɔmi 11:25

Kaplɛkama nɛ menyeeŋ yɔ kasawule na so, Enyɛnpe, menyi be Ebɔrɛ na beeŋ shin nɛ kufu a pɛ basa nɛ b wɔ ndoŋ na fanɛ kananɛ e nase kɔnɔ na. Esa kikɛ maaŋ tiŋ ŋ kuŋ menyi akpa.

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

1 Samuɛl 25:8

Fo bishi fo mbolpɔkpapoana na, bumo alɛ gba beeŋ kaŋɛ fo le be kesheŋ koŋwule ere. Kejigboŋ be kachɛ nɛ an ba na, amoso Deevid yɛ, fo keta anyi nɛnɛ. E yɛ kusɔ kama nɛ fo kɔ, fo ta kumo n chɛ fo teri Deevid nɛ fo nyɛrbi to.”