Ɛsta 8:15 - EBƆRƐ BE KAWƆL

¹⁵ Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Ɛsta 8:15 ပူးပေါင်းရင်းမြစ်များ

Jɛnesis 41:42

Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

Ɛsta 1:6

B daŋ ta ago be kechɛbi fuful parr nɛ kumo be kechɛbi nɛ k du fanɛ buru nna n wora patisa ŋ kulti kaboŋ na, nseŋ ta kechɛbi peper kunɔkunɔ m bɔla gbiti be mpinibi to n chɛ n chɛ patisa na m mata eshabɔrɛ nɛ b ta yawu kpakpaso be ajembu m pɔr na so. Shuwa nɛ gbiti be asɔ chenaso daa yil ndoŋ be mboŋ nɛ b ta yawu kpakpaso be ajembu nyɛkpɛso be yiri yiri n lɔŋɛ kasawule na so nna.

Ɛsta 10:2

B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Ɛsta 5:1

Ekishi na be kachɛ sasopo nɛ Ɛsta ta mbe kuwurche be kale m buu nseŋ ya yili ewura na be lambubi na be kabuna to. Ewura na malɛ daa tase mbe kuwurputi so nna lambu na to a keni kabuna to.

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Ɛsta 6:11

Ndoŋ nna nɛ Heman ta ewura be piŋi m buu Mɔdikaya nseŋ shin nɛ e chena gbaŋɛ nɛ b mɛa to fanɛ ewura peya na so nɛ e juŋkpar a nite a gberge Mɔdikaya nɛ gbaŋɛ na a kulti kade na to a kaŋɛ awɔrso le: “Men keni kananɛ ewura bee ta esa a yili bunyaŋ be eyilikpa!”

Ɛsta 6:8

“Shin nɛ b ta fo piŋi tenteŋ nɛ fo buu ere be kuko m buu esa kama nɛ e daga le be bunyaŋ ere nseŋ shin nɛ b mɛa fo gbagba be egbaŋɛ ere be eko to,

Ɛsta 8:14

Ndoŋ nna nɛ ewura sa ekpa nɛ egbaŋɛdiipoana na ta ewurkpa be egbaŋɛ na n lar n shile eleŋso n ya chige nwɔl na efuli na kikɛ so. Nɛ mbra na sɔ Susa gba be kade to kikɛ.

Aŋasa 11:10

Beshenteŋjipo baŋ dii dama, bumo be kade to ebi kikɛ be ŋgbene bee fuli bumo nna. Alubiworapo malɛ baŋ wu mbe kade to ebi be ŋgbene bee fuli bumo nna.

Aŋasa 28:12

Esa lela baŋ ji kuwura basa bee ji eyur nna, ama esa lubi bre baŋ ji kuwura basa bee shile nna a ŋana.

Aŋasa 29:2

Asheŋ baa nyala a sa basa niŋiso basa kikɛ be ŋgbene bee fuli nna, ama basa lubi baa ji kuwura basa bee shuto nna.

Matiu 11:8

Manɛ nɛ men daŋ lar n yɔ nɛ men ya keni? Men daŋ yɔ nna nɛ men ya keni kanyɛn ko ka buu damaso be asɔbuuso ŋko? Basa nɛ baa kaa buu damaso be asɔbuuso na bee kaa wɔ ewurkpaana nna.

Matiu 6:29

ŋkeshin nɛ men baa nyi fanɛ Ewura Sɔlɔmɔn gba e daa kɔ kemaŋkura nɛ asɔ ga ere daa maa kɔ asɔbuuso nɛ a walɛ n fo atoto ere so.

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.