Ɛsta 8:10 - EBƆRƐ BE KAWƆL

¹⁰ Ewura Sɛgsis be ketre to nɛ Mɔdikaya daŋ shin nɛ b sibɛ nwɔl na kikɛ nseŋ ta ewura na be kepinibi nɛ b kɔ a dulgi nwɔl na n dulgi amo kikɛ. Kumo be kaman nɛ b ta amo n sa ewura be egbaŋɛ nɛ baa shile ga na be bediipo fanɛ b chige.

Ɛsta 8:10 ပူးပေါင်းရင်းမြစ်များ

1 Bewura 21:8

Ndoŋ nna nɛ e ta ewura Ahab be ketre n sibɛ nwɔl n ta mbe tɔɔnɛ be kebersobi n deŋi amo so nseŋ ta amo n shoŋi benimuana na nɛ bunyaŋwuraana nɛ b wɔ Jizreel nɛ k la Nabɔf be kade na to kikɛ.

1 Bewura 4:28

B daa bar ayu nɛ afitiri nna m ba kaa sa egbaŋɛ na saŋɛ nɛ k daga.

2 Kronikɛls 30:6

Ewura na nɛ mbe benimuana na daŋ shin nna nɛ mbɔ ta le be kubɔya ere n yɔ Juda nɛ Israɛl be efuli so kikɛ: “Menyi Israɛl be basa nɛ men nya men be amu saŋɛ so nɛ Asiriyaebi daŋ kɔ n sɔ kasawule ere na, e bɛta m ba Enyɛnpe Ebɔrɛ nɛ e la an nananyɛnana Eebraham nɛ Aizek nɛ Jeekɔb be Ebɔrɛ na kutɔ nɛ mo alɛ gba e sɔ menyi.

Ɛsta 8:8

Ŋkpal esa ka maaŋ naŋ tiŋ n chɛrga kawɔl kikɛ nɛ b sibɛ ashi ewura be ketre to nseŋ ta mbe kepinibi n dulgi so, n sa fo ekpa fanɛ fo ere gba e sibɛ kawɔl kananɛ k par fo nsaa beeŋ tiŋ m mɔlga Juwebi na nseŋ ta ewura be kepinibi nɛ b kɔ a dulgi mbe nwɔl sibɛso na n dulgi kumo.”

Job be kawɔl 9:25

K du fanɛ ma nchɛ bee choŋ manaŋ manaŋ nna, nɛ m maŋ naa tama kagbenefuli kikɛ kuraa.

Kaŋinichiŋgeliŋ 8:4

Ewura be kamalga du fanɛ b ka nase mbra nna, amoso esa kama maaŋ tiŋ n ji mbe kamalga emɔrɔ.

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 51:21

Fo koŋwule na nɛ mee ta a beri egbaŋɛ nɛ amo be bediipo a mɔ; nsaa pechɛ egbaŋɛturko nɛ amo be befarpo to.

Danɛl 4:1

Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 6:8

Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.”