Ɛsta 7:8 - EBƆRƐ BE KAWƆL

⁸ Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Ɛsta 7:8 ပူးပေါင်းရင်းမြစ်များ

Ɛsta 1:5

Afɔl ashe na be kaman, nɛ ewura na naŋ wora kejigboŋ m bɛ abar so nchɛ ashunu n sa Susa be kade to ebi kikɛ. Damawuraana nɛ betirpo kikɛ daŋ yɔ kejigboŋ na to nna ashi ewura na be laŋ nɛ b pɔr egbal ŋ kulti na be kelɔnɛgboŋ na so.

Ɛsta 1:6

B daŋ ta ago be kechɛbi fuful parr nɛ kumo be kechɛbi nɛ k du fanɛ buru nna n wora patisa ŋ kulti kaboŋ na, nseŋ ta kechɛbi peper kunɔkunɔ m bɔla gbiti be mpinibi to n chɛ n chɛ patisa na m mata eshabɔrɛ nɛ b ta yawu kpakpaso be ajembu m pɔr na so. Shuwa nɛ gbiti be asɔ chenaso daa yil ndoŋ be mboŋ nɛ b ta yawu kpakpaso be ajembu nyɛkpɛso be yiri yiri n lɔŋɛ kasawule na so nna.

Ɛsta 6:12

B ka kilgi to n loge, nɛ Mɔdikaya bɛta n ya chena ewurkpa be kabunagboŋ na ase, nɛ Heman malɛ ta anishinyɔr gboŋgboŋi n jɔto n yɔ epe,

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Job be kawɔl 9:24

Ebɔrɛ e sa basa lubi ekpa, nɛ b sɔ durnya m pugi so; nseŋ tan demujipoana malɛ. Nɛ mannɛ Ebɔrɛ e wora loŋ, wanɛ e wora loŋ?

Aizaaya 22:17

Feeŋ tiŋ a la esagboŋ a kɔ eleŋ ga, ama Enyɛnpe Ebɔrɛ na beeŋ fuu fo ŋ kpa n lɛ.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Maak 14:65

Nɛ bumo be beko fara a tuu echɔl a fea Yesu n wora mo kebuumbuuanishi nsaa ŋmɛa mo a kaŋɛ: “Pin esa nɛ e ŋmɛa fo ere.” Nɛ bekumpo na pɛ mo ŋ kpa mo etaŋ.