Ɛsta 7:3 - EBƆRƐ BE KAWƆL

³ Ndoŋ nna nɛ ewurche Ɛsta kaŋɛ: “Yiramu, nɛ k par fo bre, kumo ere fo wora le be kusɔ ere n sa ma. Mɔlga ma ŋkpa nseŋ sɔ ma basa n yige n sa ma.

Ɛsta 7:3 ပူးပေါင်းရင်းမြစ်များ

1 Bewura 20:31

Kede be kaman nɛ mbe benimuana na yɔ mo kutɔ n ya kaŋɛ le: “An nu fanɛ Israɛl be bewura bee wu kuwɔr ga, amoso sa anyi ekpa nɛ an ta kagbenejijaso be asɔbuuso n dela anyi be nshɛr to nseŋ ta efɔl malɛ n chɛ anyi be abɔto kagbenejijaso n yɔ Israɛl be ewura na kutɔ. Ashere nɛ an wora loŋ e maaŋ mɔ fo.”

2 Bewura 1:13

Ade kikɛ be kaman nɛ ewura na naŋ shuŋi benapo be enimu sasopo kutɔ nɛ benapo adunu Elaija. Nɛ enimu na ya dii kebee na n yɔ Elaija kutɔ n ya gbir mbe anishito amuli so ŋ kule mo ŋ kaŋɛ le: “Ebɔrɛ be esa, wu ma nɛ ma benapo ere kuwɔr nseŋ yige anyi nɛ an ji efute!

Ɛsta 4:8

Kumo be kaman nɛ e ta kawɔl nɛ b sibɛ ashi Susa nɛ k bee kaŋɛ fanɛ a daga b ka mɔ Juwebi kikɛ na be kuko n sa Hataak fanɛ e ta n ya ŋini Ɛsta nseŋ bugi to ŋ kaŋɛ mo kusɔ nɛ k wɔtɔ, saŋɛ na so e beeŋ kule ewura na nɛ e wu mbe basa kuwɔr.

Ɛsta 5:8

“Nɛ k par fo Yiramu, fo nɛ Heman e naŋ ba tu ma n ji kejigboŋ nfe echefo, saŋɛ na so, meeŋ kaŋɛ fo kusɔ nɛ mee sha.”

Ɛsta 7:7

Nɛ ewura na nya agbo ga ŋ koso n yige nsa na nseŋ yɔ ewurkpa be kelɔnɛ na so. Heman ka pin fanɛ ewura na beeŋ gberge mo kusoe nɛ e shir kaman a kule ewurche Ɛsta fanɛ e mɔlga mbe ŋkpa.

Ɛsta 8:5

“Yiramu, nɛ k par fo nsaa walɛ n sa fo, nɛ fee fɛ ma asheŋ bre, kumo ere fo sibɛ nwɔl ŋ kaŋɛ fanɛ kananɛ Heman kre fanɛ b mɔ anyi Juwebi kikɛ ashi fo kasawule so na e sa maŋ naŋ wora.

Job be kawɔl 2:4

Nɛ Setani kaŋɛ Ebɔrɛ le: “Esa shuli e ka paŋ asɔ nɛ e kɔ kikɛ nsaa kɔ mbe ŋkpa a wɔtɔ.

Jɛremaya 38:26

Nɛ k kaŋ ba loŋ fo ere kaŋɛ bumo fanɛ fo baa kule ma nna fanɛ n sa maŋ naŋ yɛr fo kabuti to nɛ fo ya wu ndoŋ.”