Ɛsta 7:10 - EBƆRƐ BE KAWƆL

¹⁰ Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Ɛsta 7:10 ပူးပေါင်းရင်းမြစ်များ

Jɛnesis 40:22

Ama bodobodo worapo nimuso na bre e daŋ shin nna nɛ b chɛ mo efɔl n shiga fanɛ kananɛ Josɛf daŋ kute bumo be edareana na be afito n sa bumo na.

Ɛsta 2:1

Ewura Sɛgsis be agbo ka wushi na kikɛ, nɛ e kraa fɛ kusɔ nɛ Vashti wora na nɛ mbra nɛ mo alɛ nase a yɔ mbe kaplɛa so na be asheŋ.

Ɛsta 5:14

Ndoŋ nna nɛ mo teriana nɛ mbe eche Zɛrɛsh kaŋɛ mo le: “Manɛ nna nɛ fo maaŋ ku kadebi nɛ kumo be nteŋ sa fanɛ ayadra adushunu nɛ anu n yuu nseŋ kule ewura ekpa echefo kachipurso n ya chɛ Mɔdikaya efɔl n shiga kumo so. Kumo be kaman nɛ fo ta kagbenefuli n tu ewura na n yɔ kejigboŋ na to.” Heman be kagbene daŋ fuli mo ga ŋkpal le be nfɛra nɛ b sa mo ere so. Ndoŋ nna nɛ e shin nɛ b yuu kedibi na.

Ɛsta 7:7

Nɛ ewura na nya agbo ga ŋ koso n yige nsa na nseŋ yɔ ewurkpa be kelɔnɛ na so. Heman ka pin fanɛ ewura na beeŋ gberge mo kusoe nɛ e shir kaman a kule ewurche Ɛsta fanɛ e mɔlga mbe ŋkpa.

Ɛsta 7:8

Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Ɛsta 8:7

Nɛ ewura Sɛgsis kaŋɛ ewurche Ɛsta nɛ Mɔdikaya nɛ e la Juw be esa na le: “Ŋkpal Heman ka bee fin kewora Juwebi na kulubi so nɛ n shin nɛ b chɛ mo n shiga kedibi so, nseŋ ta mbe kapetɛ gba n sa Ɛsta na.

Ɛsta 9:14

Nɛ Ewura na sa ekpa ashi Susa be kade to fanɛ b chɛ Heman be mbia na be kebuni efɔl n shiga nɛ esa kama e wu bumo. Ndoŋ nna nɛ b chɛ mbe mbinyɛnsobi kudu na kikɛ be kebuni efɔl n shiga.

Ɛsta 9:25

Nɛ Ɛsta yɔ ewura kutɔ nɛ ewura na shin nɛ b sibɛ mbra nɛ k shin nɛ kusɔ nɛ Heman kre fanɛ e beeŋ wora Juwebi na laŋɛ n ji mo. Nɛ b chɛ mo nɛ mbe mbinyɛnsobi kikɛ efɔl n shiga ndibi nɛ b yuu na so.

Job be kawɔl 18:8

Baa nite nna n ya kaa luri ashewu to nɛ e bee pɛ bumo be aya.

Job be kawɔl 20:8

Basa beeŋ teŋ bumo so fanɛ kananɛ baa teŋ edareana so na.

Nshɛ 37:15

Ama bumo gbagba be nsaŋɛ na beeŋ kilgi n da bumo m mɔ, nɛ bumo be ata na e buri to.

Nshɛ 7:16

Bumo gbagba be alubi beeŋ laŋɛ n deŋi bumo be amu so, nɛ kananɛ baa tintiŋ basa a shin nɛ baa wora asheŋ na e laŋɛ bumo so.

Nshɛ 94:23

Ebɔrɛ beeŋ gberge kumukpakpasowuraana kusoe nseŋ mur bumo ŋkpal bumo be asheŋ lubi so. Enyɛnpe anyi be Ebɔrɛ na e naŋ mur bumo.

Aŋasa 11:27

Esa kama nɛ e bee fin asheŋ lela bee nya asheŋ lela nna, nɛ asheŋ lubi malɛ bee tu ekama nɛ e bee fin asheŋ lubi.

Aŋasa 11:8

Basa cheembi bee nya kekuŋ ashi tɔrɔ nɛ k bee ba belubiworapo so na to nna.

Aŋasa 26:27

Fo baa kur fo barkasa be kemaŋ, fo gbagba e naŋ kilgi n tɔr kumo to. Fo baa gbelti kejembu nɛ fo bɛa fo barkasa, k beeŋ kilgi m bɛa fo gbagba.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Danɛl 6:24

Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Zakareya 6:8

Kumo be kaman nɛ malaika na boŋ to ŋ kaŋɛ ma “Egbaŋɛ nɛ a yɔ Babilɔn be efuli so nɛ k wɔ kelargato be esoso be kaba so na e shin nɛ Enyɛnpe Ebɔrɛ na be agbo wushi.”

Demujipoana 15:7

Ndoŋ nna nɛ Samsɔn kaŋɛ bumo: “Kusɔ nɛ men wora ere so, m maa ba nɛ n yige menyi kikɛ, ama m baŋ ka menyi kumo be kukɔ nna.”