Ɛsta 6:6 - EBƆRƐ BE KAWƆL

⁶ Heman ka luri nɛ ewura na bishi mo le: “Manɛ e daga ŋ ka wora n sa esa nɛ mee sha keta n yili bunyaŋ be eyilikpa?” Nɛ Heman fɛ le: “M baa nyi geeŋ fanɛ ma nɛ ewura bee sha kewora le be kusɔ ere n sa na.”

Ɛsta 6:6 ပူးပေါင်းရင်းမြစ်များ

Ɛsta 1:15

Le nɛ e daŋ kaŋɛ bumo: “Ma ewura Sɛgsis e shuŋi n tre ewurche Vashti nɛ e kini keba! Naniere nuso nɛ anyi be mbra bee ŋini fanɛ an wora mo?”

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Ɛsta 6:11

Ndoŋ nna nɛ Heman ta ewura be piŋi m buu Mɔdikaya nseŋ shin nɛ e chena gbaŋɛ nɛ b mɛa to fanɛ ewura peya na so nɛ e juŋkpar a nite a gberge Mɔdikaya nɛ gbaŋɛ na a kulti kade na to a kaŋɛ awɔrso le: “Men keni kananɛ ewura bee ta esa a yili bunyaŋ be eyilikpa!”

Ɛsta 6:5

Ndoŋ nna nɛ mbe nyɛrbi na kaŋɛ: “Heman nna.” Nɛ ewura na kaŋɛ: “Men shin nɛ e baa luri.”

Ɛsta 6:7

Ndoŋ nna nɛ e kaŋɛ ewura na le:

Ɛsta 6:9

nseŋ shin nɛ fo benimuana na be eko e ta esa na n chena gbaŋɛ na so ŋ keta mo ŋ kulti kade ere be abɔrbi kikɛ so a kaŋɛ awɔrso le: ‘Men keni, kananɛ ewura bee ta esa a yili bunyaŋ be eyilikpa nna!.’ ”

Nshɛ 35:27

Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Aŋasa 30:13

Basa ko bee wu bumo be amu nna a maa keni basa a bɔlɔ kenishi.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Obadaya 1:3

Fo, Edɔm be kamoowu e naa fule fo na. Fo Edɔm nɛ fo tase kebee so nɛ fo kowu wɔ kaboŋ jeŋgreŋ na, e naa puchi a kaŋɛ fo kumu fanɛ wanɛ e naaŋ tiŋ m pɔɔ fo so na, ŋko?

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Luuk 14:9

esa nɛ e tre menyi kikɛ na beeŋ ba kaŋɛ fo: ‘Koso nseŋ ta kabɛ ere n sa ede.’ Saŋɛ na so feeŋ ta anishinyɔr n ya chena bebɔlpo be kakpa.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.