Ɛsta 6:12 - EBƆRƐ BE KAWƆL

¹² B ka kilgi to n loge, nɛ Mɔdikaya bɛta n ya chena ewurkpa be kabunagboŋ na ase, nɛ Heman malɛ ta anishinyɔr gboŋgboŋi n jɔto n yɔ epe,

Ɛsta 6:12 ပူးပေါင်းရင်းမြစ်များ

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

1 Bewura 20:43

Ndoŋ nna nɛ ewura Ahab ta agbo kagbenejija m bɛta n yɔ Samɛria.

1 Bewura 21:4

Nɛ ewura Ahab nya agbo m bɛta n yɔ epe nɛ kagbenejija ŋkpal kusɔ nɛ Nabɔf kaŋɛ mo na so. E ka ba epe nɛ e ba dese ŋ kilgi mbe anishito n shoŋi egbal nseŋ kini keji ajibi.

1 Bewura 21:6

Nɛ e yɛ: “Ŋkpal ŋ ka kaŋɛ Nabɔf fanɛ e fa mbe asɔrso be kudɔ n sa ma ŋko e shin nɛ n ta kuko n chɛr mo kumo, nɛ e kaŋɛ ma fanɛ e maaŋ sa ma kumo na so!”

2 Kronikɛls 26:20

Bɔrɛmatapo Azariya nɛ bɔrɛmatapoana na ka wu kulɔ lubi na mbe kasɔto nɛ b kaŋɛ fanɛ e lar bɔrɛlambu na to epul na to. Mo gbagba ka pin fanɛ Enyɛnpe Ebɔrɛ e naa gberge mo kusoe so, nɛ e wora manaŋ n lar ndoŋ.

Ɛsta 2:19

Besuŋgurbi na ka naŋ ba gama abar so kela nyɔsopo na, nɛ ewura na teŋ ta Mɔdikaya ŋ ki ewurkpa be krachi.

Ɛsta 6:11

Ndoŋ nna nɛ Heman ta ewura be piŋi m buu Mɔdikaya nseŋ shin nɛ e chena gbaŋɛ nɛ b mɛa to fanɛ ewura peya na so nɛ e juŋkpar a nite a gberge Mɔdikaya nɛ gbaŋɛ na a kulti kade na to a kaŋɛ awɔrso le: “Men keni kananɛ ewura bee ta esa a yili bunyaŋ be eyilikpa!”

Ɛsta 7:8

Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Job be kawɔl 20:5

basa lubi be kagbenefuli maa chɛr.

Job be kawɔl 9:24

Ebɔrɛ e sa basa lubi ekpa, nɛ b sɔ durnya m pugi so; nseŋ tan demujipoana malɛ. Nɛ mannɛ Ebɔrɛ e wora loŋ, wanɛ e wora loŋ?

1 Samuɛl 3:15

Samuɛl ka dese nɛ karechɛ, nɛ e koso n ya bugi Enyɛnpe Ebɔrɛ be bɔrɛlambu na be akuloŋ. E daa ŋana kekaŋɛ Eli kusɔ nɛ Enyɛnpe Ebɔrɛ kaŋɛ mo na nna.