Ɛsta 6:1 - EBƆRƐ BE KAWƆL

¹ Kanyɛ ka biri nɛ ewura na di ŋ gben, nseŋ shin nɛ b bar mbe efuli na so be asheŋ nɛ a wora mbe kuwurji be jemanɛ so nɛ b sibɛ amo n wɔtɔ nwɔl to na kikɛ, m baa kaa kraŋ a ŋini mo.

Ɛsta 6:1 ပူးပေါင်းရင်းမြစ်များ

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Ɛsta 10:2

B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna.

Ɛsta 2:21

Jemanɛ nɛ Mɔdikaya daa la ewurkpa be krachi na, nɛ Bigtana nɛ Terɛsh nɛ b fɛl bumo nɛ baa keni ewura be ebu dese to so be kabuna so na, nya agbo n wɔtɔ ewura Sɛgsis nsaa kre mbe kemɔ ŋgbalanto.

Ɛsta 2:22

Mɔdikaya ka pin kumo be loŋ, nɛ e nya manaŋ n ya kaŋɛ ewurche Ɛsta nɛ mo alɛ kaŋɛ ewura na kusɔ nɛ Mɔdikaya kaŋɛ mo.

Ɛsta 2:23

B ka lara basa nɛ b lege kesheŋ na to n ya wu fanɛ k la kashenteŋ nna nɛ b chɛ basa anyɔ na efɔl n shiga ndibi so. Ndoŋ nna nɛ ewura na shin nɛ b yili mbe anishi to n sibɛ loŋ be kesheŋ na n wɔtɔ bumo be adrasheŋ be nwɔl to nɛ k baa la kanyiŋi.

Ɛsta 5:8

“Nɛ k par fo Yiramu, fo nɛ Heman e naŋ ba tu ma n ji kejigboŋ nfe echefo, saŋɛ na so, meeŋ kaŋɛ fo kusɔ nɛ mee sha.”

Aizaaya 41:17

Nɛ ma basa be ebɔl to wɔlto ŋkpal achukoŋ so, nɛ baa fin nchu nɛ b nuu nseŋ kule ma, ma, Enyɛnpe Ebɔrɛ na beeŋ nu bumo be kekule. Ma, Israɛl be Ebɔrɛ na, maaŋ kplaŋ bumo so kikɛ.

Danɛl 2:1

Ewura Nebukadneeza ka ji kuwura be kafɛ nyɔsopo to nɛ e ku edare. Edare na daŋ tɔrɔ mo ga hale nɛ e maŋ tiŋ nɛ e di.

Danɛl 6:18

Kumo be kaman nɛ ewura na bɛta n yɔ ewurkpa n ya chena ŋklade. E daa maŋ ji shɛŋ ŋko n shin nɛ b wora epel ko n deŋi mo anishito.

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?