Ɛsta 5:8 - EBƆRƐ BE KAWƆL

⁸ “Nɛ k par fo Yiramu, fo nɛ Heman e naŋ ba tu ma n ji kejigboŋ nfe echefo, saŋɛ na so, meeŋ kaŋɛ fo kusɔ nɛ mee sha.”

Ɛsta 5:8 ပူးပေါင်းရင်းမြစ်များ

Ɛsta 1:9

Jemanɛ nɛ benyɛn na nɛ ewura na bee ji na nɛ ewurche Vashti gba wora kejigboŋ n sa kade na to be beche kikɛ ashi ewura Sɛgsis be laŋ to.

Ɛsta 5:12

Kede be kaman nɛ Heman naŋ kaŋɛ: “Asɔ damta gba kraŋ ti so, ma nɛ ewura nawule nɛ ewurche Ɛsta tre mbe kejigboŋ to, e maŋ tre esa kikɛ n ti anyi so. E yɛ echefo gba an naaŋ ba tu mo n ji.

Ɛsta 5:7

Nɛ Ɛsta kaŋɛ:

Ɛsta 7:1

Kede be kaman nɛ ewura na nɛ Heman yɔ Ɛsta kutɔ nɛ b ya ji.

Ɛsta 7:3

Ndoŋ nna nɛ ewurche Ɛsta kaŋɛ: “Yiramu, nɛ k par fo bre, kumo ere fo wora le be kusɔ ere n sa ma. Mɔlga ma ŋkpa nseŋ sɔ ma basa n yige n sa ma.

Ɛsta 8:5

“Yiramu, nɛ k par fo nsaa walɛ n sa fo, nɛ fee fɛ ma asheŋ bre, kumo ere fo sibɛ nwɔl ŋ kaŋɛ fanɛ kananɛ Heman kre fanɛ b mɔ anyi Juwebi kikɛ ashi fo kasawule so na e sa maŋ naŋ wora.

Aŋasa 16:9

Dimɛdi e wɔ afɛso, ama Enyɛnpe Ebɔrɛ e wɔ aworbi.