Ɛsta 5:3 - EBƆRƐ BE KAWƆL

³ Ndoŋ nna nɛ ewura na bishi le: “Ewurche Ɛsta, manɛ e kɔ fo? Manɛ nɛ fee sha? Kaŋɛ ma kusɔ kama nɛ k tir fo. Hale ma efuli ere be bargato gba nɛ fee sha, meeŋ ta n sa fo.”

Ɛsta 5:3 ပူးပေါင်းရင်းမြစ်များ

1 Bewura 2:20

Bɛshiba ka chena na nɛ e kaŋɛ le: “Kusɔ fimbi ko nɛ mee sha nɛ ŋ kule fo, amoso sa maŋ kaŋ mɔn ma kumo.” Nɛ Sɔlɔmɔn bishi: “N nio manɛ nna? Kaŋɛ kusɔ kama nɛ fee sha nɛ n wora kumo n sa fo.”

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Nehemaya 2:4

Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Ɛsta 5:4

Nɛ Ɛsta kaŋɛ le: “Yiramu! Nɛ k par fo, kumo ere fo nɛ Heman e ba tu ma n ji kejigboŋ kabre kaaseso.”

Ɛsta 5:6

B ka bee nuu nsa nɛ ewura na kaŋɛ Ɛsta le: “Kaŋɛ kusɔ kama nɛ fee sha nɛ n sa fo kumo. Manɛ bre e tir fo? Hale ma efuli ere be bargato gba nɛ fee sha, meeŋ sa fo kumo.”

Ɛsta 7:2

B kaa tase a nuu nsa kejigboŋ nyɔsopo na to na, nɛ ewura na naŋ bishi Ɛsta le: “Manɛ bre e tir fo? Kusɔ kama nɛ k tir fo, fo kaŋɛ ma nɛ n sa fo kumo. Hale ma efuli ere be bargato gba nɛ fee sha, feeŋ nya kumo.”

Ɛsta 9:12

Ndoŋ nna nɛ ewura na kaŋɛ ewurche Ɛsta le: “Basa alfa anu nɛ Juwebi na mɔ ashi Susa be kade to gbagba. Heman be mbinyɛnbi kudu kikɛ daŋ ti bumo so. Kusɔ nɛ b naŋ wora ma efuli na be mba nɛ a ka na bre m maŋ nyi. Manɛ nɛ fo naa sha ŋ ka naŋ wora n sa fo? Kaŋɛ ma! Meeŋ wora kusɔ kama nɛ fee sha n sa fo.”

Maak 6:23

Kumo be kaman nɛ e bɔ ntaŋ ŋ kaŋɛ mo: “Meeŋ sa fo kusɔ kama nɛ fo kule ma hale nɛ k la efuli ere be bargato gba.”

Luuk 18:41

Nɛ kanyɛn na kaŋɛ mo: “Enyɛnpe mee sha ŋ ka naŋ nya ma anishi nna a wu.”

Ashuŋ Shunso 23:19

Ndoŋ nna nɛ benapo be enimu na gbagba pɛ kabrantiɛbia na be enɔ to nseŋ keta mo n lar ekarso m bishi mo: “Manɛ nɛ fee sha kekaŋɛ ma?”