Ɛsta 4:5 - EBƆRƐ BE KAWƆL

⁵ Ndoŋ nna nɛ Ɛsta shin nɛ ewura na be benyɛn nɛ b fɛl e la Ɛsta be kayɛrbi, nɛ baa tre mo Hataak na, ya bishi Mɔdikaya kusɔ nɛ k kɔ mo.

Ɛsta 4:5 ပူးပေါင်းရင်းမြစ်များ

Ɛsta 1:10

Kachɛ shunusopo na nɛ ewura na be kagbene fuli mo ga ŋkpal nsa nɛ e nuu na so, nɛ e tre mbe nyɛrbi ashunu nɛ b fɛl bumo nɛ b wɔ mo kutɔ saŋkikɛ a shuŋ mo na. Bumo e la Mehuman nɛ Bizta nɛ Harbona nɛ Bigta nɛ Abagta nɛ Zeta nɛ Kakas.

Ɛsta 1:12

Ewura na be nyɛrbi na ka ya kaŋɛ ewurche Vashti kusɔ nɛ ewura na kaŋɛ na, nɛ e kini keba. Ndoŋ nna nɛ Ewura na nya agbo ga nseŋ tinto.

Ɛsta 4:10

Ndoŋ nna nɛ Ɛsta sa ebɔl fanɛ e bɛta n ya kaŋɛ Mɔdikaya le:

Ɛsta 4:4

Ɛsta be mbita nɛ benyɛn nɛ b fɛl nɛ baa shuŋ mo na ka kaŋɛ mo Mɔdikaya be asheŋ, nɛ mbe kagbenejija mo ga, nɛ e ta asɔbuuso lela n sa fanɛ b ya sa Mɔdikaya, saŋɛ na so e beeŋ lara kagbenejijaso be asɔbuuso na, nɛ Mɔdikaya kini.

Ɛsta 4:6

Nɛ Hataak yɔ Mɔdikaya kutɔ ashi ewurkpa be kelɔnɛ so.

Ɛsta 4:9

Nɛ Hataak wora loŋ.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.

Filipaiebi 2:4

Men be ekama e sa maa wɔtɔ a de mo gbagba nawule be aparsheŋ so, a daga fanɛ e baa de mo braana gba be aparsheŋ so.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.