Ɛsta 4:3 - EBƆRƐ BE KAWƆL

³ Efuli na so be kaplɛkama malɛ nɛ b kraŋ kawɔl na jimaŋ to, Juwebi nɛ b wɔ ndoŋ bee teŋi keeli nna a boŋto a shu. B daŋ kishi nna nseŋ shu ga nɛ bumo be bedamta ta kagbenejijaso be asɔbuuso m buu nseŋ dese nsunɔ to.

Ɛsta 4:3 ပူးပေါင်းရင်းမြစ်များ

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Ɛsta 3:12

Amoso kufɔl sososo na to be kachɛ kuduasasopo na nɛ Heman tre ewura na be nwɔlsibɛpoana na ŋ kaŋɛ bumo fanɛ b kilgi mbe mbra nɛ e nase na n wɔtɔ bumo be efuli na so be ŋgbarana nɛ nsibɛ be yiriana to n chige to n sa bewurbi nɛ benimu nɛ ekrachiana nɛ b wɔ efuli na so na kikɛ. Ewura Sɛgsis be ketre so nɛ b daŋ bɔla n sibɛ nwɔl na nseŋ ta mbe kepinibi n dulgi amo.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Ɛsta 4:2

hale m ba fo ewura na be lambu be kabuna ase. Mo alɛ daa maŋ nya ekpa n luri lambu na to ŋkpal manɛ so esa kama nɛ e buu kagbenejijaso be kusɔbuuso maŋ kɔ ekpa nɛ e luri ndoŋ.

Ɛsta 4:4

Ɛsta be mbita nɛ benyɛn nɛ b fɛl nɛ baa shuŋ mo na ka kaŋɛ mo Mɔdikaya be asheŋ, nɛ mbe kagbenejija mo ga, nɛ e ta asɔbuuso lela n sa fanɛ b ya sa Mɔdikaya, saŋɛ na so e beeŋ lara kagbenejijaso be asɔbuuso na, nɛ Mɔdikaya kini.

Ɛsta 9:31

nsaa nyiŋi Juwebi na nɛ bumo nanabiana fanɛ b baa nyiŋi a ji nchɛgboŋ nɛ baa tre Purim na fanɛ kananɛ baa ji ekishi nɛ nli be nchɛgboŋ na. Mɔdikaya nɛ ewurche Ɛsta e daŋ yili le be kesheŋ ere n sa bumo.

Job be kawɔl 2:8

Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Aizaaya 58:5

Men baŋ kishi kikɛ, menyee ta menyi be amu nna a wɔtɔ awurfoŋ to. Menyi alɛ naa wora asheŋ nna fanɛ bebɔlpo, a kurgi amu a yuu to fanɛ ayu ka bel n chulgi na nseŋ naa buu nli to be asɔbuuso a dese nsunɔ to a ŋini men ka bar menyi be amu kaseto. Le nɛ menyee tre ekishi nɛ k bee par ma nna a?

Ezikɛl 27:30

Bumo kikɛ beeŋ shu kagbenejijaso ŋkpal fo so, Baaŋ wora eshishɛr n wurge bumo be amu so nseŋ dese nsunɔ to a melti.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Jona 3:6

Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.

Matiu 13:42

n lɛ edɛ wuloŋwuloŋ to. Ndoŋ nɛ basa wɔtɔ a shu nsaa we anyi to na.

Matiu 22:13

Ndoŋ nna nɛ ewura na kaŋɛ mbe nyɛrbi le: ‘Men kre mbe enɔ nɛ aya nseŋ ta mo ŋ kpa kowu, tentembiri to plɔ. Ndoŋ nɛ basa wɔtɔ a shu nsaa we anyi to na.’

Matiu 25:30

To, men pɛ kenya jiga ere n lar n ya lɛ tentembiri to plɔ. Ndoŋ nɛ basa wɔtɔ a shu nsaa we anyi to na.’ ”

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

1 Samuɛl 11:4

Mbɔ na ka ta baru na n yɔ Gibia nɛ k la Sɔɔl be kade to na n ya kaŋɛ bumo, nɛ Gibiaebi na kikɛ fara a shu awɔrso.