Ɛsta 4:14 - EBƆRƐ BE KAWƆL

¹⁴ Nɛ fo baŋ maŋ wora shɛŋ le be jemanɛ ere, ashere, echɛtopo ko beeŋ shi kakpa ko m ba mɔlga anyi. Ama fo ere nɛ fo tuto be kanaŋ to ebi kikɛ beeŋ mur. Wanɛ e nyi fanɛ le bre so nɛ fo ki ewurche le be jemanɛ ere?”

Ɛsta 4:14 ပူးပေါင်းရင်းမြစ်များ

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

2 Bewura 13:5

nseŋ lara esa ko fanɛ e ba sɔ Israɛl n yige. Ndoŋ nna nɛ Israɛlebi nya kayurwushi fanɛ kananɛ b daa kɔ sososo na.

2 Bewura 19:3

Kubɔya nɛ ewura Hɛzekaya ta n shuŋi bumo fanɛ b ya sa anebi Aizaaya nde: “Kabre la awurfoŋ be kachɛ nna n sa anyi, an wɔ kasogberge nɛ ŋaba to nna. An du fanɛ eche nɛ e bee kurge nsaa maŋ naa kɔ eleŋ nɛ e kento ŋ kurge nna.

Ɛzra 9:9

An daa la anya nna, ama fo maŋ yige anyi kenyaya na to. Fo shin nɛ Pɛshiya be bewura wu anyi kuwɔr nseŋ shin nɛ an kraa wɔ ŋkpa to hale nɛ m ba nya ekpa nɛ an ba lɔŋɛ m pɔr fo bɔrɛlambu nɛ k daŋ ki kelambure a dese na. Kumo be kaman, an naŋ nya anyi be amu a wɔ Juda be efuli so nɛ Jerusalɛm be kade to.

Nehemaya 6:11

Ndoŋ nna nɛ ŋ kaŋɛ: “Ma ere maŋ la basa nɛ baa shile a ŋana na be ako nna. Fee fɛ nna fanɛ meeŋ shile ŋ ŋana bɔrɛlambu ere to nna ŋkpal ma kumɔlga so a? M maaŋ wora loŋ kikɛ.”

Ɛsta 2:15

Jemanɛ ka fo nɛ Mɔdikaya mo wɔpa nɛ baa tre Abihail na, pibiche Ɛsta nɛ e ta ŋ ki fanɛ mo gbagba pibiche na e yɔ ewura na kutɔ nɛ e buu nle nɛ Heegai nɛ e bee keni kakpa nɛ beche na wɔ so na kaŋɛ mo fanɛ e buu na. Ɛsta malɛ be asheŋ daa par ekama nna.

Ɛsta 2:17

Ɛsta be asheŋ daŋ par ewura na ga nseŋ bɔlɔ mo kenishi nɛ e sha mo a chɔ beche na be ekama. Ŋkpal loŋ so nɛ e ta kuwurche be kuwurwuro n buu mo nɛ e ki ewurche n tal ewurche Vashti to.

Ɛsta 2:7

Mɔdikaya mo wɔpa pibiche ko nɛ e daa walɛ kebita ga nsaa la kumunibi nɛ mbe Juw be ketre la Hadasa nɛ mbe ketre ko malɛ la Ɛsta na, daa wɔ Mɔdikaya kutɔ nna. Mɔdikaya daŋ ta mo nna fanɛ mo gbagba pibi ŋkpal mo nio nɛ mo tuto kikɛ ka wu ŋ ka mo so.

Ɛsta 4:13

nɛ mo alɛ ta le be kubɔya ere n shoŋi mo: “Sa maŋ kaa fɛ fanɛ nɛ baa mɔ Juwebi kikɛ, fo ere beeŋ nya fo kumu ŋkpal fo ka wɔ ewura pe so.

Ɛsta 4:15

Ndoŋ nna nɛ Ɛsta shuŋi ŋ kaŋɛ Mɔdikaya le:

Job be kawɔl 9:18

Pɔɛŋ nɛ meeŋ nya n fute n wushi gba na, e beeŋ shin nɛ ma awurfoŋ e ti so.

Kaŋinichiŋgeliŋ 3:7

mo e naa yili saŋɛ nɛ k daga kekpɛa to nɛ saŋɛ nɛ k daga kebaa m mata abar so, mo e naa yili saŋɛ nɛ k daga kekaŋ kusoe n nu, nɛ saŋɛ nɛ k daga kemalga.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Levitikɔs 26:42

meeŋ nyiŋi ma nɛ Jeekɔb nɛ Aizek nɛ Eebraham be kɔnɔkoŋwule be ŋkre na nseŋ naŋ tiŋi ma kɔnɔ nɛ n nase fanɛ meeŋ sa ma basa kasawule na to.

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Demujipoana 15:6

Filisti be basa na ka bishi fanɛ wanɛ e wora le, nɛ b nu fanɛ Samsɔn e wora loŋ ŋkpal mo shanyɛn, nɛ e shi kade nɛ baa tre Timna na, ka ta mbe eche n sa benyɛn nɛ b ba Samsɔn be kejafɔ to na be eko so. Ŋkpal loŋ so nɛ Filisti be basa na ya chɔɔ eche na nɛ mbe kanaŋ kikɛ m mur.

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.

1 Samuɛl 17:29

Nɛ Deevid malɛ bishi le: “Manɛ nɛ n wora? Ama m maŋ kɔ ekpa nɛ m bishi shɛŋ a?”