Ɛsta 4:1 - EBƆRƐ BE KAWƆL

¹ Mɔdikaya ka nu kusɔ nɛ ewura na wora na, nɛ e kpɛa mbe asɔbuuso to kagbenejijaso, nseŋ ta kagbenejijaso be kusɔbuuso m buu n wora nsunɔ n wurge mbe kumu so nsaa shu awɔrso ebesa so a na a kulti kade na to,

Ɛsta 4:1 ပူးပေါင်းရင်းမြစ်များ

Jɛnesis 27:34

Isɔɔ ka nu mo tuto be mmalga na nɛ e boŋ to awɔrso kagbenejijaso ŋ kaŋɛ: “Kumo ere fo nɛfa ma alɛ gba. N tuto, jande nɛfa ma alɛ gba!”

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

Ɛsta 4:2

hale m ba fo ewura na be lambu be kabuna ase. Mo alɛ daa maŋ nya ekpa n luri lambu na to ŋkpal manɛ so esa kama nɛ e buu kagbenejijaso be kusɔbuuso maŋ kɔ ekpa nɛ e luri ndoŋ.

Ɛsta 4:3

Efuli na so be kaplɛkama malɛ nɛ b kraŋ kawɔl na jimaŋ to, Juwebi nɛ b wɔ ndoŋ bee teŋi keeli nna a boŋto a shu. B daŋ kishi nna nseŋ shu ga nɛ bumo be bedamta ta kagbenejijaso be asɔbuuso m buu nseŋ dese nsunɔ to.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Job be kawɔl 2:8

Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Aizaaya 15:4

Basa nɛ b wɔ nde nɛ baa tre Hɛshbɔn nɛ Ɛliale na daa shu awɔrso nna, nɛ esa wɔ kakpa wɔfɔ fanɛ Jahaz gba e daa nu bumo be kushu na. Bumo be esoji gba be kenyɛn kikɛ daŋ lar bumo to nna nɛ baa chicha kufuso.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Aizaaya 37:1

Ewura Hɛzekaya ka nu kubɔya nɛ Asiriya be benapo be ejuŋkparpo kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta keeli be asɔbuuso m buu n yɔ Enyɛnpe Ebɔrɛ na be bɔrɛlambu to.

Aizaaya 37:2

Kumo be kaman nɛ e shuŋi Eliakim nɛ e bee keni ewura be laŋ so na nɛ Shɛbna nɛ e la ewura be esibɛpo nɛ bɔrɛmatapo nimusoana na ma, anebi Aizaaya kutɔ. Bumo alɛ gba daŋ buu keeli be asɔbuuso nna m ba.

Aizaaya 58:5

Men baŋ kishi kikɛ, menyee ta menyi be amu nna a wɔtɔ awurfoŋ to. Menyi alɛ naa wora asheŋ nna fanɛ bebɔlpo, a kurgi amu a yuu to fanɛ ayu ka bel n chulgi na nseŋ naa buu nli to be asɔbuuso a dese nsunɔ to a ŋini men ka bar menyi be amu kaseto. Le nɛ menyee tre ekishi nɛ k bee par ma nna a?

Ezikɛl 21:11

Mee yee ma tokobi nna, a wora kumo shiriya a jo, esa nɛ e beeŋ ta kumo m mɔ na.

Ezikɛl 21:6

Amoso, dimɛdi pibi, shin nɛ fo kagbene e jija fo nɛ fo baa shu ashi kakpa nɛ ekama beeŋ wu fo.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Maika 1:8

“Ŋkpal ade kikɛ so, ma Maika beeŋ boŋto a shu nseŋ buu asɔfarbi a na aya fuloŋ. Meeŋ shu fanɛ kuntuŋ na nseŋ boŋto fanɛ tayetaye.

Zefanaiya 1:14

Enyɛnpe Ebɔrɛ be kachɛgboŋ na taga to. K fo n loge gba kuraa! K beeŋ baa la kachɛ lubi nɛ benapo lempo nɛ b kɔ kenyɛn ga gba beeŋ baa boŋ to a shu kenishipereso nna.

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Ashuŋ Shunso 14:14

Baanabas nɛ Sɔɔl ka nu kusɔ nɛ b daa shin nɛ b wora na nɛ b kpɛa bumo be asɔbuuso to a ŋini kananɛ kesheŋ na jija bumo be ŋgbene nseŋ shile n luri jimaŋ na be nferinto a boŋ to a bishi bumo a kaŋɛ:

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”