Ɛsta 3:5 - EBƆRƐ BE KAWƆL

⁵ Heman ka pin fanɛ Mɔdikaya kini kejɔŋɛ mo ase ŋko m bunyaŋ mo, nɛ e nya agbo ga.

Ɛsta 3:5 ပူးပေါင်းရင်းမြစ်များ

Ɛsta 1:12

Ewura na be nyɛrbi na ka ya kaŋɛ ewurche Vashti kusɔ nɛ ewura na kaŋɛ na, nɛ e kini keba. Ndoŋ nna nɛ Ewura na nya agbo ga nseŋ tinto.

Ɛsta 3:2

Ewura na daŋ tre mbe benimu nɛ baa shuŋ ewurkpa na kikɛ nna, ŋ kaŋɛ bumo fanɛ b baa bunyaŋ Heman nseŋ naa jɔŋɛ mo ase. Nɛ bumo kikɛ bɛ kusɔ nɛ e kaŋɛ na so ama Mɔdikaya nawule.

Ɛsta 3:4

Saŋkama nɛ b baŋ kaŋɛ Mɔdikaya fanɛ e jɔŋɛ Heman ase, e bee kini nna nseŋ kaŋɛ fanɛ mo ere la Juw be esa nna, amoso e maaŋ jɔŋɛ Heman ase. Ndoŋ nna nɛ b kaŋɛ Heman kumo be asheŋ nsaa keni ŋko e beeŋ yige Mɔdikaya ŋkpal e ka la Juw so.

Ɛsta 5:9

Nɛ Heman ta kagbenefuli nɛ kagbenewushi n lar Ɛsta kutɔ. E ka bee yɔ na nɛ e wu Mɔdikaya ewurkpa be kabuna na ase. Ama e ka wu fanɛ Mɔdikaya maŋ koso n yili n sa mo bunyaŋ nɛ e nya agbo ga.

Job be kawɔl 5:2

Kayurbesa nɛ kukɔrkɔ e naŋ mɔ ewulpo nɛ e maŋ nyi asheŋ.

Nshɛ 37:12

Belubiworapo bee kre basa lela asheŋ lubi nna, nsaa keni bumo yurkishiso.

Aŋasa 12:16

Ewulpo e naa nya agbo a puŋi kɔnɔ. Enyiashempo bre bee kplaŋ katege so nna.

Aŋasa 19:19

Shin nɛ esa kama nɛ mbe agbo wɔ mo, e ka mbe agbo na be kukɔ mo gbagba. Nɛ fo baŋ ka kumo be kukɔ kelekoŋwule, feeŋ baa ka mbe agbo be kukɔ saŋkikɛ.

Aŋasa 21:24

Esa kama nɛ kamoowu nɛ ŋkpensheŋ bɔlɔ mo to, bee wora basa eyur to nna.

Kaŋinichiŋgeliŋ 10:6

Baa ta bewulpo nna a yili eyilikpagboŋ a sa bumo bunyaŋ nsaa keni damawuraana jiga.

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.