Ɛsta 3:15 - EBƆRƐ BE KAWƆL

¹⁵ Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Ɛsta 3:15 ပူးပေါင်းရင်းမြစ်များ

Jɛnesis 37:25

Kumo be kaman nɛ b ya chena nɛ b ji ajibi nseŋ wu Ishmaɛlebi be eyawujipoana ko ka shi Giliad a yɔ Ijipt. Eyawujipoana na be enyɔma daŋ sulɔ tulale nɛ duwu nɛ asɔ warabi damta nna.

1 Bewura 14:27

Ewura Rehoboam daŋ wora danyaŋ be asɔkuŋso nɛ baa keta a yɔ kena to na nna n tal shuwa peya na to nseŋ ta amo m bɔɔ bekumpo nɛ baa keni ewura be laŋ to be kabunagboŋ na so na enɔ.

Ɛsta 1:10

Kachɛ shunusopo na nɛ ewura na be kagbene fuli mo ga ŋkpal nsa nɛ e nuu na so, nɛ e tre mbe nyɛrbi ashunu nɛ b fɛl bumo nɛ b wɔ mo kutɔ saŋkikɛ a shuŋ mo na. Bumo e la Mehuman nɛ Bizta nɛ Harbona nɛ Bigta nɛ Abagta nɛ Zeta nɛ Kakas.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Aŋasa 1:16

Ŋkpal manɛ so, saŋkikɛ, baa jujo nna nɛ b wora alubi. Kemɔ esa maŋ la shɛŋ bumo kutɔ.

Aŋasa 29:2

Asheŋ baa nyala a sa basa niŋiso basa kikɛ be ŋgbene bee fuli nna, ama basa lubi baa ji kuwura basa bee shuto nna.

Aŋasa 31:4

A maŋ daga bewura nɛ bejuŋkparpo ka bee nuu nsa a boo ŋko a sha nsa ga.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Hoziya 7:5

Kachɛ nɛ bumo be ewura bee ji eyur na nɛ b shin nɛ mo nɛ mbe benimuana na nuu nsa m boo a wora kawulisheŋ.

Eemɔs 6:6

Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

Baru lela nɛ Jɔn kute na 16:20

Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.