Ɛsta 3:12 - EBƆRƐ BE KAWƆL

¹² Amoso kufɔl sososo na to be kachɛ kuduasasopo na nɛ Heman tre ewura na be nwɔlsibɛpoana na ŋ kaŋɛ bumo fanɛ b kilgi mbe mbra nɛ e nase na n wɔtɔ bumo be efuli na so be ŋgbarana nɛ nsibɛ be yiriana to n chige to n sa bewurbi nɛ benimu nɛ ekrachiana nɛ b wɔ efuli na so na kikɛ. Ewura Sɛgsis be ketre so nɛ b daŋ bɔla n sibɛ nwɔl na nseŋ ta mbe kepinibi n dulgi amo.

Ɛsta 3:12 ပူးပေါင်းရင်းမြစ်များ

1 Bewura 21:8

Ndoŋ nna nɛ e ta ewura Ahab be ketre n sibɛ nwɔl n ta mbe tɔɔnɛ be kebersobi n deŋi amo so nseŋ ta amo n shoŋi benimuana na nɛ bunyaŋwuraana nɛ b wɔ Jizreel nɛ k la Nabɔf be kade na to kikɛ.

Ɛzra 8:36

Bumo alɛ daŋ naŋ ta kawɔl nɛ ewura na sibɛ n sa fanɛ b ta m ba sa Yufreetes be epeŋitɔrkpa be efuli so be gomena nɛ ndoŋ be benimu na nna n ya sa bumo. Nɛ bumo alɛ gba chɛ Israɛlebi na nɛ bɔrɛlambu na be kushuŋ to ga.

Ɛsta 1:22

Ewura na daŋ sibɛ nwɔl yiri kikɛ be ŋgbarto nna n sa mbe efuli so ebi kikɛ fanɛ, k daga kowurnyɛn kikɛ be kamalga ka kɔ eleŋ mbe laŋ to.

Ɛsta 3:11

nseŋ kaŋɛ mo le: “Basa na nɛ bumo be amansherbi kikɛ la fo peya nna; amoso wora bumo kusɔ kama nɛ k par fo.”

Ɛsta 8:2

Kumo be kaman nɛ ewura na ta mbe kepinibi nɛ k daa wɔ Heman kutɔ nɛ b kɔ a dulgi ewura be nwɔl sibɛso na n sa Mɔdikaya. Nɛ Ɛsta malɛ shin nɛ Mɔdikaya bee keni Heman be asɔ na so.

Ɛsta 9:27

Juwebi na yili kumo nna fanɛ bumo nɛ bumo nanabiana kikɛ nɛ esa kama nɛ e beeŋ ba ki Juw be esa kachako so, beeŋ baa ji loŋ be nchɛgboŋ anyɔ na fanɛ kananɛ Mɔdikaya kaŋɛ bumo na gbagba.

Danɛl 3:10

Fo e yili kumo fanɛ esa kama nɛ e baŋ nu alaŋsɔ ka bee shu a daga fanɛ e jɔŋɛ m bunyaŋ fo shuwa be kapɔrduli na.

Danɛl 6:12

nɛ bumo kikɛ yɔ ewura na kutɔ n ya debɔr Danɛl ŋ kaŋɛ le: “Yiramu, fo nyisi enɔ n wora mbra fanɛ nchɛ adesa, esa kama e sa maŋ kule shɛŋ ashi kegbir ŋko dimɛdi kikɛ kutɔ nɛ mannɛ fo ewura nawule kutɔ. Fo yɛ, ekama nɛ e kaŋ wora loŋ, b ta mo n lɛ ebuluŋ be kemaŋ to.” Nɛ ewura na malɛ kaŋɛ le: “Kashenteŋ nna, k la mbra kpakpaso nna n sa Mɛdiebi nɛ Pɛshiyaebi. Kumo alɛ maaŋ naŋ chɛrga kikɛ.”

Danɛl 6:15

Ndoŋ nna nɛ Danɛl mo doŋana naŋ bɛta m ba kaŋɛ ewura na le: “Yiramu, fo gbagba baa nyi fanɛ esa kama maaŋ tiŋ n chɛrga Mɛdiebi nɛ Pɛshiyaebi be mbra. Hale ewura gba maŋ kɔ ekpa nɛ e chɛrga kumo.”

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Danɛl 6:8

Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.”