Ɛsta 3:1 - EBƆRƐ BE KAWƆL

¹ Asheŋ ere be kaman nɛ ewura Sɛgsis ta kenimu nɛ k bɛ ewura na so na n sa kanyɛn ko nɛ baa tre mo Heman nɛ e la Hammedaata pibinyɛn nseŋ shi Agag be kanaŋ to na.

Ɛsta 3:1 ပူးပေါင်းရင်းမြစ်များ

Jɛnesis 41:40

Kumo be kaman nɛ e kaŋɛ: “Fo nɛ meeŋ ta ŋ ki ma ebɛsopo nɛ fo baa keni ma kowu kikɛ so nɛ ma basa kikɛ e baa nu a sa fo. Ma kuwura ere be eyilikpa be eleŋ be kaplɛa so nawule nɛ meeŋ baa chɔ fo.”

Jɛnesis 41:55

Akoŋ na ka ba koso Ijipt be efuli so kikɛ nɛ efuli na so ebi kikɛ fara a shu a ŋini ewura Fɛɛro a fin ajibi. Nɛ Fɛɛro malɛ kaŋɛ Ijiptebi na kikɛ le: “Men baa yɔ Josɛf kutɔ n ya kaa wora kusɔ kama nɛ e yili menyi.”

Ɛzra 7:14

Ma, ewura nɛ ma ejinatopo ashunu, e naa shuŋi fo fanɛ fo ya keni Judiya nɛ Jerusalɛm be efuli so be asheŋ to a laŋɛ fo Ebɔrɛ be mbra nɛ e ta m bɔɔ fo enɔ na be kaplɛa so.

Ɛsta 1:14

Bumo e la Kashena nɛ Sheta nɛ Admata nɛ Tarshish nɛ Mɛrɛs nɛ Masena nɛ Memukan nɛ b la Pɛshiya nɛ Midia be efuli so be benimugboŋ ashunu nɛ e bee to jina saŋkikɛ na.

Ɛsta 3:10

Ndoŋ nna nɛ ewura na lara mbe kepinibi nɛ e kɔ a dulgi mbe nwɔl sibɛ so na n sa Hammedaata pibinyɛn Heman nɛ e la Juwebi bumo doŋ na

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Ɛsta 7:6

Nɛ Ɛsta yɛ: “Mo e la Heman ere. E la esa lubi nɛ edoŋ nɛ emɔpo nna.” Ndoŋ nna nɛ kufu pɛ Heman ga ashi ewura na nɛ ewurche na be anishito.

Ɛsta 8:3

Nɛ Ɛsta naŋ laŋɛ n yɔ Ewura na kutɔ n ya gbir mbe anishito n shu ŋ kule mo fanɛ e wora ania n laŋɛ Heman nɛ e la Agag be kaman to ebi be ŋkre lubi nɛ e daŋ kre Juwebi na.

Nshɛ 12:8

Belubiworapo bee feŋ ŋgbene a nite kamoowuso nna; a kpaŋ bumo be asheŋ woraso nsaa keni asɔ nɛ a daga kemaŋkura jiga.

Aŋasa 29:2

Asheŋ baa nyala a sa basa niŋiso basa kikɛ be ŋgbene bee fuli nna, ama basa lubi baa ji kuwura basa bee shuto nna.

Kaŋinichiŋgeliŋ 10:6

Baa ta bewulpo nna a yili eyilikpagboŋ a sa bumo bunyaŋ nsaa keni damawuraana jiga.

Danɛl 6:2

Kumo be kaman, nɛ e lara Danɛl nɛ basa anyɔ ko fanɛ b baa keni egomena na so nɛ b baa wora ewura na be aparsheŋ efuli na so.

Nɔmbɛs 24:7

Baaŋ nya mbɔrɛchu damta nseŋ duu bumo be adɔjibi kasawule nɛ k kɔ kayul nɛnɛ so. Bumo be ewura be kuwurji beeŋ baa chɔ Amalɛk be ewura Agag peya. Mbe kuwura beeŋ ji eleŋ ga nɛ mbe ketre e dii.

1 Samuɛl 15:33

Ndoŋ nna nɛ Samuɛl kaŋɛ Agag le: “Fo e naa suge mbiwurbi bumo nioana kutɔ a mɔ nɛ baa paŋ mbia na. Fo nio gba beeŋ paŋ ebi naniere kikɛ.” Ndoŋ nna nɛ Samuɛl mɔ Agag nseŋ ŋele mo to fanɛ mblaŋkul bɔrɛsure na ase ashi Gilgaal.

1 Samuɛl 15:8

E daŋ pɛ Amalɛk be ewura Agag nna nseŋ mɔ mbe basa kikɛ.