Ɛsta 2:9 - EBƆRƐ BE KAWƆL

⁹ Ɛsta be asheŋ daŋ par Heegai ga. Ŋkpal loŋ so, e daa sa mo abitasɔ nɛ ajibi lela nna. Kaboŋ nɛ b wɔtɔ beche na be kakpa lela nɛ e daŋ shin nɛ b ta mo n wɔtɔ nseŋ lara ewurkpa be mbita ashunu nɛ baa shuŋ mo.

Ɛsta 2:9 ပူးပေါင်းရင်းမြစ်များ

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

Jɛnesis 39:4

nɛ Josɛf be asheŋ bɔlɔ mo kenishi ga. Ndoŋ nna nɛ e ta mo ŋ ki esa nɛ e bee shuŋ mbe ashuŋ nsaa keni mbe laŋ so.

1 Bewura 8:50

n ta fo basa be alubi nɛ b wora ŋ gbiti fo kikɛ m paŋ bumo n shin bumo doŋana e baa wora bumo kelela.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Ɛsta 2:12

Kafɛ koŋwule nɛ b sa beche na fanɛ b ta n lɔŋɛ bumo be amu n nyalɛ kebita n ti so. Baaŋ ta ŋku nɛ baa tre mir na n lɔŋɛ bumo be eyur so afɔl ashe nseŋ ta etulale malɛ be ŋku n lɔŋɛ bumo be eyur afɔl ashe nɛ a ka na. Kumo be kaman nɛ b yɛr beche na be ekama ewura Sɛgsis be anishito kukoko to.

Ɛsta 2:3

Lara fo efuli ere be kaba kama so be ekrachi n shin nɛ b fin besuŋgurbi nɛ b walɛ abita m ba Susa m baa wɔtɔ ewura be laŋ to be kaboŋ nɛ baa wɔtɔ beche nawule na. Nseŋ ta bumo m bɔɔ Heegai nɛ b fɛl nɛ e bee keni beche so na enɔ, nɛ e ŋini bumo kananɛ baŋ baa lɔŋɛ bumo be amu nɛnɛ n lar kebita n ti so.

Ɛsta 5:2

Ewura na ka wu ewurche Ɛsta ka yil kabuna to na, nɛ mbe asheŋ par mo ga, nɛ e teŋi mbe shuwa be kuwurkpabi na ŋ shoŋi mo. Nɛ Ɛsta ya pɛ kuwurkpabi na be kɔnɔso.

Nshɛ 106:46

E daŋ shin nɛ bumo doŋana shu bumo so nna.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Danɛl 1:9

Ndoŋ nna nɛ Ebɔrɛ shin nɛ Danɛl be asheŋ pɛ Ashpenaaz kuwɔr.

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.