Ɛsta 2:7 - EBƆRƐ BE KAWƆL

⁷ Mɔdikaya mo wɔpa pibiche ko nɛ e daa walɛ kebita ga nsaa la kumunibi nɛ mbe Juw be ketre la Hadasa nɛ mbe ketre ko malɛ la Ɛsta na, daa wɔ Mɔdikaya kutɔ nna. Mɔdikaya daŋ ta mo nna fanɛ mo gbagba pibi ŋkpal mo nio nɛ mo tuto kikɛ ka wu ŋ ka mo so.

Ɛsta 2:7 ပူးပေါင်းရင်းမြစ်များ

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

Ɛsta 1:11

E daŋ shuŋi bumo fanɛ b ya shin nɛ ewurche Vashti e buu mbe kuwurwuro m ba mo kutɔ. Ewura na daa sha keta ewurche na nna n ji njɔŋ n ŋini ekrachiana na nɛ mbe befɔ nɛ b ba ndoŋ na kikɛ ŋkpal mbe kebita so.

Ɛsta 2:15

Jemanɛ ka fo nɛ Mɔdikaya mo wɔpa nɛ baa tre Abihail na, pibiche Ɛsta nɛ e ta ŋ ki fanɛ mo gbagba pibiche na e yɔ ewura na kutɔ nɛ e buu nle nɛ Heegai nɛ e bee keni kakpa nɛ beche na wɔ so na kaŋɛ mo fanɛ e buu na. Ɛsta malɛ be asheŋ daa par ekama nna.

Ɛsta 2:20

Ŋkpal Mɔdikaya ka kaŋɛ Ɛsta fanɛ e sa maŋ kaŋɛ esa kama yiri nɛ k la mo so, Ɛsta daa maŋ kaŋɛ esa kikɛ yiri nɛ k la mo. Ɛsta daŋ wora loŋ nna ŋkpal e ka bee wora Mɔdikaya kasonu mbe kebia to kikɛ so.

Ɛsta 8:1

Kumo be kaman nɛ ewura Sɛgsis ta Heman nɛ e la Juwebi bumo doŋ na be kapetɛ kikɛ n sa ewurche Ɛsta kumo kamɔnchɛ kikɛ. Ndoŋ nna nɛ Ɛsta kaŋɛ ewura na kananɛ mo nɛ Mɔdikaya be kekurgeto lar kikɛ. Kumo be kamɔnchɛ nɛ ewura ta Mɔdikaya ŋ ki mbe ekrachi nimuso na be eko.

Job be kawɔl 31:17

Ma alɛ maŋ naŋ ji m mɔɛ nɛ amunibi bre dese akoŋ kikɛ.

Job be kawɔl 31:18

Ma kebrantiɛ to kikɛ nɛ mee bela amunibi nsaa chɛ bekulpoche to.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.