Ɛsta 2:4 - EBƆRƐ BE KAWƆL

⁴ Saŋɛ na so feeŋ lara bumo to be emo nɛ fee sha nɛ e ki ewurche n tal Vashti to.” Ewura na ka nu le be kasotoji ere nɛ e wu fanɛ k walɛ nseŋ bɛ kumo so.

Ɛsta 2:4 ပူးပေါင်းရင်းမြစ်များ

2 Samuɛl 17:4

Nɛ Absalɔm nɛ Israɛl be bejuŋkparpoana na wu fanɛ kesheŋ nɛ e kaŋɛ na duli kasotoji lela nna n sa bumo.

Ɛsta 1:21

Le be nfɛra nɛ Memukan bar ere daŋ par ewura na nɛ mbe benimuana ga, nɛ ewura na wora kusɔ nɛ e kaŋɛ bumo na kikɛ.

Ɛsta 2:19

Besuŋgurbi na ka naŋ ba gama abar so kela nyɔsopo na, nɛ ewura na teŋ ta Mɔdikaya ŋ ki ewurkpa be krachi.

Ɛsta 2:3

Lara fo efuli ere be kaba kama so be ekrachi n shin nɛ b fin besuŋgurbi nɛ b walɛ abita m ba Susa m baa wɔtɔ ewura be laŋ to be kaboŋ nɛ baa wɔtɔ beche nawule na. Nseŋ ta bumo m bɔɔ Heegai nɛ b fɛl nɛ e bee keni beche so na enɔ, nɛ e ŋini bumo kananɛ baŋ baa lɔŋɛ bumo be amu nɛnɛ n lar kebita n ti so.

Ɛsta 2:5

Jemanɛ ere so nɛ Juw be kanyɛn nɛ baa tre Mɔdikaya na wɔ Susa. Mo tuto e daa la Jaɛr nɛ mo nananyɛn Shimei malɛ la Kish nɛ e shi Bɛnjamin be kanaŋ to na pibinyɛn.

Matiu 14:6

Ama Hɛrɔd be kakurgeachɛ ko nɛ Hɛrodias pibiche lar m ba cha basa damta nɛ b daŋ shɛr ndoŋ na be anishito, nɛ k par Hɛrɔd ga

Matiu 20:16

Keŋasa ere be kaman nɛ Yesu kaŋɛ le: “To, amoso, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”

Matiu 22:14

Amo alɛ kikɛ be kifi to e la fanɛ basa damta nɛ b tre, ama bumo to be gbrɛ nɛ b lara.”