Ɛsta 2:18 - EBƆRƐ BE KAWƆL

¹⁸ Kumo be kaman nɛ ewura na shin nɛ b wora kejigboŋ n sa benimuana na nɛ ekrachiana na ŋkpal Ɛsta so. Nseŋ sa ebɔl fanɛ kumo be kachɛ e baa la kewushiachɛ n sa mbe efuli so be basa kikɛ. Ewura na daŋ sa basa ŋkɛ damta gba n ti so.

Ɛsta 2:18 ပူးပေါင်းရင်းမြစ်များ

Jɛnesis 29:22

Ndoŋ nna nɛ Leeban shɛr ndoŋ be basa kikɛ n wora kejigboŋ n sa bumo.

Nehemaya 8:11

Ndoŋ nna nɛ Livaiebi na bee nite a kulti a leŋ basa na to fanɛ b yige kushu n saa maŋ shin nɛ bumo be ŋgbene e baa jija bumo kachɛ cheembi ere.

Ɛsta 1:7

Shuwa be asɔnuunchu nɛ amo kikɛ kɔr abar to nɛ b daa kɔ a chige nsa a sa basa nɛ b yɔ kejigboŋ na to na. Ewura na daŋ bugi kagbene nna n wora asheŋ.

Ɛsta 9:22

Le be nchɛ ere nɛ Juwebi na daŋ pɔɔ bumo doŋana so nɛ bumo kagbenejija ki kagbenefuli na. E daŋ kaŋɛ bumo nna fanɛ b ta loŋ be nchɛ na nna ŋ ki kejigboŋ nɛ ajibi be kedaŋɛ n chige abar nɛ betirpo.

Sɔlɔmɔn 3:11

Zayɔn be beche, men lar m ba keni ewura Sɔlɔmɔn ka buu kuwurwuro; kuwurwuro nɛ mo nio daŋ ta m buu mo mbe kejafɔ achɛ nɛ k shin nɛ mbe kagbene fuli mo ga na.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Matiu 22:2

“Ebɔrɛso be kuwura na to du fanɛ ewura ko ka wora kejafɔ to be kejigboŋ nna n sa mo pibinyɛn.

Maak 6:21

Ama kachako Hɛrodias nya kusɔ nɛ e daa sha na. Kumo be kamɔnchɛ daa la Hɛrɔd be kakurgeachɛ nna nɛ e wora kejigboŋ n sa abane be benimu nɛ benapo be benimu nɛ Galili be bebunyampoana.

Luuk 14:8

“Esa kama nɛ e baŋ tre fo kejafɔ be kejigboŋ to nɛ fo yɔ, sa maŋ ya chena bunyanso be echenakpa. Nɛ mannɛ aloŋ, nɛ esa nɛ e chɔ fo baŋ ba,

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

Kelaraŋŋini 19:9

Ndoŋ nna nɛ malaika na kaŋɛ ma le: “Sibɛ n nase fanɛ: Kagbenefuli la bumo nɛ b tre fanɛ b ba Kpakpafɔlbi na be kejafɔ be kejigboŋ to na.” Kumo be kaman nɛ e kaŋɛ le n ti so: “Ade la Ebɔrɛ be kashenteŋ be mmalga nna.”

1 Samuɛl 25:8

Fo bishi fo mbolpɔkpapoana na, bumo alɛ gba beeŋ kaŋɛ fo le be kesheŋ koŋwule ere. Kejigboŋ be kachɛ nɛ an ba na, amoso Deevid yɛ, fo keta anyi nɛnɛ. E yɛ kusɔ kama nɛ fo kɔ, fo ta kumo n chɛ fo teri Deevid nɛ fo nyɛrbi to.”