Ɛsta 2:15 - EBƆRƐ BE KAWƆL

¹⁵ Jemanɛ ka fo nɛ Mɔdikaya mo wɔpa nɛ baa tre Abihail na, pibiche Ɛsta nɛ e ta ŋ ki fanɛ mo gbagba pibiche na e yɔ ewura na kutɔ nɛ e buu nle nɛ Heegai nɛ e bee keni kakpa nɛ beche na wɔ so na kaŋɛ mo fanɛ e buu na. Ɛsta malɛ be asheŋ daa par ekama nna.

Ɛsta 2:15 ပူးပေါင်းရင်းမြစ်များ

Ɛsta 2:14

Eche na beeŋ yɔ ewura na kutɔ kaaseso nseŋ ya bɛta m ba Shaashgaz nɛ b fɛl nɛ e bee keni ewura be beche so ashi kakpa nɛ beche nawule wɔ na kutɔ kachipurso. Mo alɛ maaŋ naŋ bɛta n yɔ ewura na kutɔ kikɛ ama mbe asheŋ baaŋ par Ewura na nna nɛ e ti mbe ketre n shuŋi n tre mo.

Ɛsta 2:16

Ewura Sɛgsis ka ji kuwura be kafɛ shunusopo be kufɔl kudusopo nɛ baa tre Tibez na nɛ b bar Ɛsta ewura na pe.

Ɛsta 2:3

Lara fo efuli ere be kaba kama so be ekrachi n shin nɛ b fin besuŋgurbi nɛ b walɛ abita m ba Susa m baa wɔtɔ ewura be laŋ to be kaboŋ nɛ baa wɔtɔ beche nawule na. Nseŋ ta bumo m bɔɔ Heegai nɛ b fɛl nɛ e bee keni beche so na enɔ, nɛ e ŋini bumo kananɛ baŋ baa lɔŋɛ bumo be amu nɛnɛ n lar kebita n ti so.

Ɛsta 8:1

Kumo be kaman nɛ ewura Sɛgsis ta Heman nɛ e la Juwebi bumo doŋ na be kapetɛ kikɛ n sa ewurche Ɛsta kumo kamɔnchɛ kikɛ. Ndoŋ nna nɛ Ɛsta kaŋɛ ewura na kananɛ mo nɛ Mɔdikaya be kekurgeto lar kikɛ. Kumo be kamɔnchɛ nɛ ewura ta Mɔdikaya ŋ ki mbe ekrachi nimuso na be eko.

Ɛsta 9:29

Ndoŋ nna nɛ ewurche Ɛsta nɛ e la Abihail pibiche na nɛ Mɔdikaya cha abar n sibɛ kawɔl kpakpaso ko nɛ k kɔ ewurche na be eleŋ na ti kawɔl nɛ Mɔdikaya teŋ sibɛ a laŋɛ nchɛgboŋ nɛ baa tre Purim na so.

Aŋasa 15:33

Kabɔrɛŋana e naa sa esa kanyiasheŋ, nɛ kamoobarase malɛ bee sa esa kemaŋkura.

Sɔlɔmɔn 6:9

fo nawule nɛ meeŋ lara. Fo e walɛ fanɛ lepɔ, nsaa la fo nio pibiche koŋwule. Fo nɛ bechefɔlbi nɛ bewurche nɛ bekama bee kpaŋ, a boŋ nshɛ a fur fo.

Sɔlɔmɔn 8:10

N la egbal nna nɛ ma anyipo du fanɛ kumo be ketempreŋ jeŋgreŋ nɛ n jipo bee keni ma nɛ mbe kagbene bee fuli mo.

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.