Ɛsta 2:14 - EBƆRƐ BE KAWƆL

¹⁴ Eche na beeŋ yɔ ewura na kutɔ kaaseso nseŋ ya bɛta m ba Shaashgaz nɛ b fɛl nɛ e bee keni ewura be beche so ashi kakpa nɛ beche nawule wɔ na kutɔ kachipurso. Mo alɛ maaŋ naŋ bɛta n yɔ ewura na kutɔ kikɛ ama mbe asheŋ baaŋ par Ewura na nna nɛ e ti mbe ketre n shuŋi n tre mo.

Ɛsta 2:14 ပူးပေါင်းရင်းမြစ်များ

Jɛnesis 34:19

Shɛkɛm nɛ e daa la kabrantiɛbia nɛ ekama daa sa mo bunyaŋ ga ashi mo tuto be laŋ to na, daŋ maŋ naŋ jo kikɛ nseŋ wora kusɔ nɛ Jeekɔb be mbia daŋ kaŋɛ bumo na. Ŋkpal manɛ so, mbe kagbene daŋ pɛ Daina ga.

Ɛsta 2:13

Saŋkama nɛ beche na be ekama bee sha nɛ e yɔ ewura na be anishito, kusɔ kama nɛ k par eche na nɛ e bee buu a lar kakpa nɛ b wɔtɔ beche na a yɔ ewura na be anishito.

Ɛsta 2:15

Jemanɛ ka fo nɛ Mɔdikaya mo wɔpa nɛ baa tre Abihail na, pibiche Ɛsta nɛ e ta ŋ ki fanɛ mo gbagba pibiche na e yɔ ewura na kutɔ nɛ e buu nle nɛ Heegai nɛ e bee keni kakpa nɛ beche na wɔ so na kaŋɛ mo fanɛ e buu na. Ɛsta malɛ be asheŋ daa par ekama nna.

Ɛsta 4:11

“Ewurkpa be mbra bee ŋini fanɛ esa kama nɛ e luri ewura kutɔ nɛ e maŋ tre mo, daga luwu. Ewura na be asoetojipoana nɛ mbe kasawule so be kaba kikɛ so ebi gba nyi kumo be loŋ. Ama ewura na baaŋ teŋi mbe shuwa be kuwurkpabi na nna ŋ shoŋi esa na. Loŋ bre, b maaŋ mɔ mo. Amoso k beeŋ baa du kpakpa n sa ma nɛ n wu ewura na ŋkpal manɛ so kufɔl lelemu nna na e ka maŋ shuŋi n tre ma.”

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 45:4

Ma e lara fo fanɛ fo chɛ ma anya, Israɛlebi to; bumo e la basa nɛ n lara n sa ma kumu. Jemanɛ nɛ fo maŋ nyi ma na gba, nɛ n shin nɛ fo nya kemaŋkura.

Ditɛronɔmi 21:14

Nɛ jemanɛ ko ba fo nɛ Israɛl be enyɛn na maŋ naa sha kenyache na, e beeŋ tiŋ n yige mo nɛ e baa yɔ. Ŋkpal enyɛn na ka teŋ di eche na so, e maaŋ naŋ tiŋ n fa mo fanɛ mbe kenya.