Ɛsta 2:11 - EBƆRƐ BE KAWƆL

¹¹ Karechɛ kama malɛ Mɔdikaya daa nite nna a kulti ewurkpa be kakpa nɛ beche na kikɛ wɔ na be anishito a fin kepin kananɛ Ɛsta du nɛ kusɔ nɛ k bee wora mo.

Ɛsta 2:11 ပူးပေါင်းရင်းမြစ်များ

Jɛnesis 37:14

Ndoŋ nna nɛ mo tuto kaŋɛ mo: “Keni, yɔ naniere n ya keni kananɛ fo daana nɛ asɔbɔya na du. Fo kaŋ wu bumo, fo naŋ ba kaŋɛ ma kusɔ nɛ k wɔtɔ.” Ndoŋ nna nɛ e shin nɛ Josɛf bɔla Hibrɔn be ketaŋɛ to a yɔ Shɛkɛm.

Ɛsta 2:10

Ŋkpal Mɔdikaya ka ji Ɛsta asoeto so e daa maŋ lara mbe kumu efuli ŋ ŋini bumo fanɛ e la Juw be esa nna.

Ɛsta 2:12

Kafɛ koŋwule nɛ b sa beche na fanɛ b ta n lɔŋɛ bumo be amu n nyalɛ kebita n ti so. Baaŋ ta ŋku nɛ baa tre mir na n lɔŋɛ bumo be eyur so afɔl ashe nseŋ ta etulale malɛ be ŋku n lɔŋɛ bumo be eyur afɔl ashe nɛ a ka na. Kumo be kaman nɛ b yɛr beche na be ekama ewura Sɛgsis be anishito kukoko to.

Ashuŋ Shunso 15:36

B wɔtɔ loŋ nɛ kachako Pɔɔl ba kaŋɛ Baanabas: “Shin nɛ an naŋ ya bɔɔ nde nɛ an daŋ ya bɔ Enyɛnpe be kubɔya n sa na to ebi be bekurgepoana na so ŋ keni kananɛ baa bɛ so.”

1 Samuɛl 17:18

nseŋ ta wagashi kudu ere malɛ n ya sa fo daana be katuŋ na be enimu. Kumo be kaman nɛ fo keni kananɛ fo daana du ndoŋ nseŋ fin shɛdaso be kusɔ ko ndoŋ m ba ŋini fanɛ fo wu bumo nɛ b kɔ alenfia.