Ɛsta 10:3 - EBƆRƐ BE KAWƆL

³ Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so.

Ɛsta 10:3 ပူးပေါင်းရင်းမြစ်များ

Jɛnesis 41:40

Kumo be kaman nɛ e kaŋɛ: “Fo nɛ meeŋ ta ŋ ki ma ebɛsopo nɛ fo baa keni ma kowu kikɛ so nɛ ma basa kikɛ e baa nu a sa fo. Ma kuwura ere be eyilikpa be eleŋ be kaplɛa so nawule nɛ meeŋ baa chɔ fo.”

Jɛnesis 45:10

Fo ba feeŋ ya kaa wɔ Goshen be kaba so. Fo nɛ fo mbia nɛ fo nanabiana nɛ fo asɔbɔya nɛ kusɔ kama nyam nɛ fo kɔ beeŋ ba kaa wɔ nfe m mata ma.

Jɛnesis 45:11

Fo ba kaa wɔ Goshen, meeŋ baa keni fo nɛ fo kanaŋ to ebi so, ŋkpal manɛ so, nfɛ anu mo nɛ a kraa wɔ anyi be anishito ere kraa la akoŋ be nfɛ nna. Ma alɛ maa sha fanɛ akoŋ nɛ ketentaŋase e mɔ fo nɛ fo kowu to ebi nɛ fo basa kikɛ nɛ fo asɔbɔya kikɛ.’ ”

2 Kronikɛls 28:7

Loŋ be kena na to, nɛ Israɛl be enapo ko nɛ baa tre Zikri na mɔ benyɛn asa nɛ b kɔ eyilikpagboŋ ashi Juda be efuli so na. Bumo e la Mɛseya nɛ e la ewura na pibinyɛn nɛ Azrikam nɛ e bee keni ewura be laŋ so na nɛ Ɛlkana nɛ e la enimu a bɛ ewura na so na.

Nehemaya 2:10

Ama kanyɛn nɛ baa tre Sanballat nɛ e shi kade nɛ baa tre Horɔn na nɛ Tobaya nɛ e la Ammɔn be efuli so be krachigboŋ ko na ka nu fanɛ m ba na, nɛ b nya agbo ga. Ŋkpal manɛ so, b maa sha fanɛ esa kikɛ e chɛ Israɛlebi to.”

Ɛsta 2:5

Jemanɛ ere so nɛ Juw be kanyɛn nɛ baa tre Mɔdikaya na wɔ Susa. Mo tuto e daa la Jaɛr nɛ mo nananyɛn Shimei malɛ la Kish nɛ e shi Bɛnjamin be kanaŋ to na pibinyɛn.

Ɛsta 3:2

Ewura na daŋ tre mbe benimu nɛ baa shuŋ ewurkpa na kikɛ nna, ŋ kaŋɛ bumo fanɛ b baa bunyaŋ Heman nseŋ naa jɔŋɛ mo ase. Nɛ bumo kikɛ bɛ kusɔ nɛ e kaŋɛ na so ama Mɔdikaya nawule.

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Danɛl 5:29

Epul na to nɛ ewura Bɛlshaaza ponte ŋ kaŋɛ mbe nyɛrbi fanɛ b ta awurpiŋi peper kunɔkunɔ m ba mɛa Danɛl to, nseŋ ta shuwa be jaagba n di mbe kubɔto. Nseŋ ta mo ŋ ki esa sasopo nɛ e bɛ mo so ashi mbe kuwura to.

Danɛl 6:3

Nɛ Danɛl be kushuŋ bɔlɔ ewura na kenishi a chɔ mo braana na nɛ egomena na kikɛ. Ŋkpal loŋ so nɛ ewura na yili kumo fanɛ e beeŋ shin nɛ Danɛl e ki efuli na so kikɛ be ejuŋkparpo.

Romebi 10:1

Ŋ kurgepoana, kusɔ nɛ m baa sha ga nsaa kule kumo be Ebɔrɛ e la fanɛ ma basa Israɛlebi e nya kumɔlga.

Romebi 14:18

Ŋkpal manɛ so, ekama nɛ e bee shuŋ Kristo le be ekpa so be kebaawɔtɔ bee par Ebɔrɛ nna nɛ basa pɔtɛ gba e ji mbe kebaawɔtɔ lela na be shɛda n sa abar.

1 Samuɛl 18:16

Ama Israɛl nɛ Juda be basa bre kikɛ daa sha Deevid be asheŋ nna ga ŋkpal e ka daa juŋkpar bumo kena to nɛ baa kɔ a pɔɔ so na so.

1 Samuɛl 23:17

nseŋ naŋ kaŋɛ mo le: “N tuto Sɔɔl maaŋ tiŋ n wora fo shɛŋ, amoso sa maa lɔ kufu. E baa nyi geeŋ fanɛ fo e naa shin nɛ fo ba ki Israɛl be ewura nɛ ma alɛ e baa la enimu m bɛ so.”