Ɛsta 10:2 - EBƆRƐ BE KAWƆL

² B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna.

Ɛsta 10:2 ပူးပေါင်းရင်းမြစ်များ

1 Bewura 11:41

B daŋ sibɛ ewura Sɔlɔmɔn be kushuŋ be asheŋ nɛ mbe kanyiasheŋ nɛ e kɔ nɛ kusɔ nɛ e wora kikɛ be asheŋ nna n wɔtɔ Sɔlɔmɔn be adrasheŋ be nwɔl to.

1 Bewura 14:19

B sibɛ kusɔ kama nɛ ewura Jeroboam daŋ wora kikɛ, kananɛ e kɔ ana, nɛ kananɛ e ji kuwura, be asheŋ nna n wɔtɔ Israɛl be bewura be adrasheŋ be nwɔl to.

1 Bewura 22:39

B sibɛ kusɔ kama nɛ ewura Ahab wora, kananɛ e ta asɔlnyii n lɔŋɛ ewura be laŋ, nɛ nde nɛ e pɔr na kikɛ be asheŋ n wɔtɔ Israɛl be bewura be adrasheŋ be nwɔl to.

Ɛsta 2:23

B ka lara basa nɛ b lege kesheŋ na to n ya wu fanɛ k la kashenteŋ nna nɛ b chɛ basa anyɔ na efɔl n shiga ndibi so. Ndoŋ nna nɛ ewura na shin nɛ b yili mbe anishi to n sibɛ loŋ be kesheŋ na n wɔtɔ bumo be adrasheŋ be nwɔl to nɛ k baa la kanyiŋi.

Ɛsta 6:1

Kanyɛ ka biri nɛ ewura na di ŋ gben, nseŋ shin nɛ b bar mbe efuli na so be asheŋ nɛ a wora mbe kuwurji be jemanɛ so nɛ b sibɛ amo n wɔtɔ nwɔl to na kikɛ, m baa kaa kraŋ a ŋini mo.

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Ɛsta 8:2

Kumo be kaman nɛ ewura na ta mbe kepinibi nɛ k daa wɔ Heman kutɔ nɛ b kɔ a dulgi ewura be nwɔl sibɛso na n sa Mɔdikaya. Nɛ Ɛsta malɛ shin nɛ Mɔdikaya bee keni Heman be asɔ na so.

Ɛsta 9:4

Mɔdikaya daŋ ki esagboŋ nna ashi ewurkpa na nɛ mbe ketre dii ashi efuli na so kikɛ nɛ mbe eleŋ malɛ bee ti so saŋkama.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.