Ɛsta 1:6 - EBƆRƐ BE KAWƆL

⁶ B daŋ ta ago be kechɛbi fuful parr nɛ kumo be kechɛbi nɛ k du fanɛ buru nna n wora patisa ŋ kulti kaboŋ na, nseŋ ta kechɛbi peper kunɔkunɔ m bɔla gbiti be mpinibi to n chɛ n chɛ patisa na m mata eshabɔrɛ nɛ b ta yawu kpakpaso be ajembu m pɔr na so. Shuwa nɛ gbiti be asɔ chenaso daa yil ndoŋ be mboŋ nɛ b ta yawu kpakpaso be ajembu nyɛkpɛso be yiri yiri n lɔŋɛ kasawule na so nna.

Ɛsta 1:6 ပူးပေါင်းရင်းမြစ်များ

Ɛsta 7:8

Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ezikɛl 23:41

Kumo be kaman nɛ b chena mbɛ lela so nseŋ bela asɔ lela fanɛ eduwu nɛ ɔlif be ŋku nɛ n sa bumo na m bɛ teebɔl so ashi bumo be anishito.

Eemɔs 2:8

Epiŋi nɛ b ta n nase tarma n sa bumo na nɛ baa ta a nase bumo be agbir be mboŋ a dese so. Bumo be agbirlambu to nɛ baa chena a nuu nsa nɛ b sɔ ashi basa nɛ b ji bumo be akɔ na kutɔ.

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Eemɔs 6:4

Asheŋ maaŋ nyalɛ n sa menyi nɛ menyee dese asɔchenaso tenteŋ nɛ b ta asɔlnyii m mata m mata so n ji amo kebita na to a we mbolpɔ nɛ ana fɔlbi be eblaŋ na.

1 Samuɛl 28:23

Nɛ Sɔɔl kini fanɛ e maaŋ ji shɛŋ. Nɛ mbe benimu na leŋ mo to ga ŋ kaŋɛ mo fanɛ e ji, pɔɛŋ nɛ e shuli nseŋ koso kasawule n chena gedo so.