Ɛsta 1:4 - EBƆRƐ BE KAWƆL

⁴ Afɔl lela ashe kikɛ nɛ e bee ŋini basa nɛ b ba kejigboŋ na to na mbe kedamaya nɛ mbe kuwura be kemaŋkura nɛ asɔ nɛ a wɔ mbe efuli so kikɛ.

Ɛsta 1:4 ပူးပေါင်းရင်းမြစ်များ

1 Kronikɛls 29:25

Enyɛnpe Ebɔrɛ daŋ maŋ Sɔlɔmɔn so nna nseŋ shin nɛ mbe kuwurji daa kɔ kemaŋkura a chɔ Israɛl be ewura kama peya; nɛ kumo be loŋ daŋ chinchiŋ efuli na so ebi kikɛ ga.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Ɛsta 1:5

Afɔl ashe na be kaman, nɛ ewura na naŋ wora kejigboŋ m bɛ abar so nchɛ ashunu n sa Susa be kade to ebi kikɛ. Damawuraana nɛ betirpo kikɛ daŋ yɔ kejigboŋ na to nna ashi ewura na be laŋ nɛ b pɔr egbal ŋ kulti na be kelɔnɛgboŋ na so.

Job be kawɔl 40:10

Kumo ere shin nɛ ekama e wu kemaŋkura nɛ yukugboŋ nɛ fo kɔ na.

Nshɛ 145:5

Baaŋ baa malga fo kemaŋkura be kela be asheŋ. Bumo alɛ beeŋ baa fɛ fo asheŋ woraso nɛ a bee mɔ kɔnɔ na be asheŋ jemanɛ kikɛ.

Nshɛ 21:5

E nya bunyaŋ gboŋgboŋi ŋkpal kechɛto nɛ fo sa mo na so. Fo shin nɛ e nya ketre nɛ eleŋ.

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Aizaaya 39:2

Nɛ ewura Hɛzekaya keta mbɔ na kefɔ nseŋ ŋini bumo mbe shuwa nɛ gbiti nɛ eposɔ nɛ e kɔ efɛa belbelso a shin nɛ ajibi bee wora bel na nɛ ɔlif be ŋku lela nɛ etulale nɛ mbe benapo be akɔsɔ kikɛ. Shɛŋ shɛŋ daa maŋ naŋ ka ashi mbe ewurkpa ŋko mbe efuli na kikɛ so nɛ e maŋ ta ŋ ŋini mbɔ na.

Ezikɛl 28:5

Fo yɛ fo yawu be keji be kenyigboŋ na so nɛ fo ji yawu n nya tɔnɔ na. Fo kedama na shin nɛ kamoowu luri m bɔlɔ fo to nɛ fee puchi.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Danɛl 4:36

Ma nfɛra ka naŋ ba abar so na, nɛ n naŋ nya ma bunyaŋ nɛ adelebigboŋ nɛ kemaŋkura nɛ ma kuwurji. Nɛ ma benimuana nɛ bewurabiana na kikɛ naŋ sɔ ma nseŋ ta ma n yili kuwurji be eyilikpa nɛ k chɔ ma eyilikpa dra na.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Matiu 4:8

Ndoŋ nna nɛ alubipo na naŋ shin nɛ b ya dii kebee jeŋgreŋ ko so n yili nɛ e ŋini Yesu durnya ere to be kuwurjiana kikɛ nyam nɛ amo be kemaŋkura

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

Ɛfesesebi 1:18

Ma alɛ nseŋ kraŋ naa kule Ebɔrɛ fanɛ e shin nɛ men bugi men be ŋgbene to n tiŋ m pin tama mo nɛ men nya ŋkpal e ka tre menyi na so to, nseŋ naa pin mamachi be enɛfagboŋ nɛ e nase kɔnɔ fanɛ e beeŋ sa mbe basa na to.

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”