Ɛsta 1:19 - EBƆRƐ BE KAWƆL

¹⁹ Yiramu, nɛ k par fo bre, fo nase mbra nɛ baaŋ sibɛ n wɔtɔ Pɛshiya nɛ Midia be efuli so be mbra be nwɔl to nɛ esa kikɛ maaŋ tiŋ n chɛrga kumo, fanɛ Vashti e sa maŋ naŋ ta keya n cha ewura pe kikɛ. Kumo be kaman nɛ fo ta mbe kuwurche na n sa eche nɛ e bɔ mo.

Ɛsta 1:19 ပူးပေါင်းရင်းမြစ်များ

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

Ɛsta 1:18

Pɛshiya nɛ Midia be benimuana be beche baŋ nu kusɔ nɛ ewurche ere wora, bumo alɛ gba beeŋ fara a wora bumo kulana loŋ kabre kikɛ. Kaplɛkama malɛ be beche beeŋ fara a fɛl bumo kulana, nɛ bumo kulana malɛ e baa nya agbo n wɔtɔ bumo.

Ɛsta 1:21

Le be nfɛra nɛ Memukan bar ere daŋ par ewura na nɛ mbe benimuana ga, nɛ ewura na wora kusɔ nɛ e kaŋɛ bumo na kikɛ.

Ɛsta 2:1

Ewura Sɛgsis be agbo ka wushi na kikɛ, nɛ e kraa fɛ kusɔ nɛ Vashti wora na nɛ mbra nɛ mo alɛ nase a yɔ mbe kaplɛa so na be asheŋ.

Ɛsta 3:9

Nɛ k par fo, kumo ere, Yiramu, fo nase mbra fanɛ bumo kikɛ daga kemɔ. Nɛ fo shuli so n wora loŋ, ma alɛ beeŋ wora ania n fin amansherbi damta n wɔtɔ ewurkpa be amansherbi be kɔlgu na to nɛ ekrachi nɛ b wɔ ewurkpa na e ta amo n shuŋ.”

Ɛsta 8:5

“Yiramu, nɛ k par fo nsaa walɛ n sa fo, nɛ fee fɛ ma asheŋ bre, kumo ere fo sibɛ nwɔl ŋ kaŋɛ fanɛ kananɛ Heman kre fanɛ b mɔ anyi Juwebi kikɛ ashi fo kasawule so na e sa maŋ naŋ wora.

Ɛsta 8:8

Ŋkpal esa ka maaŋ naŋ tiŋ n chɛrga kawɔl kikɛ nɛ b sibɛ ashi ewura be ketre to nseŋ ta mbe kepinibi n dulgi so, n sa fo ekpa fanɛ fo ere gba e sibɛ kawɔl kananɛ k par fo nsaa beeŋ tiŋ m mɔlga Juwebi na nseŋ ta ewura be kepinibi nɛ b kɔ a dulgi mbe nwɔl sibɛso na n dulgi kumo.”

Danɛl 6:17

B daŋ ta kejembu nna n ti kemaŋ na be kɔnɔso nɛ ewura na nɛ mbe benimuana na ta bumo be tɔɔnɛ be abersobi ŋ dulgi kejembu na saŋɛ na so esa kama maaŋ tiŋ n shin nɛ b bugi Danɛl.

1 Samuɛl 15:28

Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.