Ɛsta 1:12 - EBƆRƐ BE KAWƆL

¹² Ewura na be nyɛrbi na ka ya kaŋɛ ewurche Vashti kusɔ nɛ ewura na kaŋɛ na, nɛ e kini keba. Ndoŋ nna nɛ Ewura na nya agbo ga nseŋ tinto.

Ɛsta 1:12 ပူးပေါင်းရင်းမြစ်များ

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Ɛsta 1:11

E daŋ shuŋi bumo fanɛ b ya shin nɛ ewurche Vashti e buu mbe kuwurwuro m ba mo kutɔ. Ewura na daa sha keta ewurche na nna n ji njɔŋ n ŋini ekrachiana na nɛ mbe befɔ nɛ b ba ndoŋ na kikɛ ŋkpal mbe kebita so.

Ɛsta 1:13

Saŋkama malɛ, pɔɛŋ nɛ ewura na e wora kusɔ ko a laŋɛ bumo be daŋkare nɛ mbra be ekpa so, e bee tre mbe benyiashempo nna m bishi bumo kusɔ nɛ k daga kewora. Amoso e daŋ tre mbe basa nɛ baa ji mo asoeto nna m bishi bumo kusɔ nɛ k daga fanɛ e wora.

Ɛsta 7:7

Nɛ ewura na nya agbo ga ŋ koso n yige nsa na nseŋ yɔ ewurkpa be kelɔnɛ na so. Heman ka pin fanɛ ewura na beeŋ gberge mo kusoe nɛ e shir kaman a kule ewurche Ɛsta fanɛ e mɔlga mbe ŋkpa.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Nshɛ 79:5

O Enyɛnpe Ebɔrɛ, fo nya agbo n wɔtɔ anyi nna mbaanaayɔ a? Fo agbo kraa beeŋ baa suse fanɛ edɛ nna a?

Ɛksodɔs 32:19

Mosis ka ba kaa fo keeyi na to nseŋ wu kenabi ka yil nɛ kacha yilso nɛ agbo pɛ mo ga nɛ e yige ajembu na to n lɛ kebee na be kaseto nɛ a buri to.

Ɛksodɔs 32:22

Nɛ Ɛɛrɔn kaŋɛ mo le: “Sa maŋ kaŋ shin nɛ fo agbo e koso. Fo nyi kananɛ basa ere be nfɛra baa yuu kulubi so.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aŋasa 20:2

Ewura be kanya agbo du fanɛ buluŋ ka nya agbo nna. Keshin nɛ ewura e nya agbo du fanɛ kapotɔ nna.

Danɛl 2:12

Nɛ kumo be loŋ shin nɛ agbo pɛ ewura na alegaiso hale nɛ e ponte ŋ kaŋɛ fanɛ b mɔ benyiashempo nɛ b wɔ Babilɔn be efuli so na kikɛ.

Danɛl 3:13

Ndoŋ nna nɛ agbo dii ewura Nebukadneeza alegaiso nɛ e shuŋi fanɛ b ya pɛ mbrantiɛbia asa na m ba.

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Ɛfesesebi 5:22

Beche kilpo, men baa bar men be amu kaseto a sa men kulana fanɛ kananɛ menyee wora a sa Enyɛnpe na.

Ɛfesesebi 5:24

Amoso, kananɛ asɔri bee bar kumo be kumu kaseto a sa Kristo na, loŋ koŋwule na e daga fanɛ bechekilpoana e baa ta bumo be amu a sa bumo kulana kusɔ kama to.

Ditɛronɔmi 29:20

Enyɛnpe Ebɔrɛ na maaŋ ta m paŋ esa nɛ e beeŋ wora loŋ na. E beeŋ nya agbo ga n wora amodoŋwura nseŋ shin nɛ eshoduu nɛ a wɔ Ebɔrɛ na be mbra be kawɔl ere to a ba mo so nɛ e mur mo cheche. Saŋɛ na so, k beeŋ baa la kasokpele n sa Israɛl be eyiriana na kikɛ.

1 Pita 3:1

Beche, menyi alɛ gba e baa nu a sa men kulana, saŋɛ na so nɛ bumo be ekama maŋ yirda kamalga na, nɛ men maŋ malga n sa bumo gba, baaŋ wu men be kebaawɔtɔ nseŋ ba yirda.