Ɛsta 1:10 - EBƆRƐ BE KAWƆL

¹⁰ Kachɛ shunusopo na nɛ ewura na be kagbene fuli mo ga ŋkpal nsa nɛ e nuu na so, nɛ e tre mbe nyɛrbi ashunu nɛ b fɛl bumo nɛ b wɔ mo kutɔ saŋkikɛ a shuŋ mo na. Bumo e la Mehuman nɛ Bizta nɛ Harbona nɛ Bigta nɛ Abagta nɛ Zeta nɛ Kakas.

Ɛsta 1:10 ပူးပေါင်းရင်းမြစ်များ

Jɛnesis 43:34

Josɛf be echenakpa na nɛ b daŋ yili n chige ajibi na n sa bumo. Bɛnjamin malɛ peya daa chɔ ekama peya ale anu. Ama bumo kikɛ daŋ ji kejigboŋ nna nseŋ tu Josɛf n nuu asɔnuuso yɛlyɛla so.

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

Ɛsta 1:9

Jemanɛ nɛ benyɛn na nɛ ewura na bee ji na nɛ ewurche Vashti gba wora kejigboŋ n sa kade na to be beche kikɛ ashi ewura Sɛgsis be laŋ to.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Ɛsta 7:9

Nɛ nyɛrbi na be emo nɛ baa tre Harbona na kaŋɛ le: “Yiramu, Heman koŋwule ere yuu kedibi nna mbe laŋ to fanɛ b chɛ Mɔdikaya nɛ e mɔlga fo ŋkpa na efɔl n shiga so. Kedibi na be nteŋ la ayadra adushunu nɛ anu nna!” Nɛ ewura na kaŋɛ: “Men chɛ Heman efɔl n shiga loŋ be kedibi na so!”

Aŋasa 20:1

Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Aŋasa 31:4

A maŋ daga bewura nɛ bejuŋkparpo ka bee nuu nsa a boo ŋko a sha nsa ga.

Kaŋinichiŋgeliŋ 10:19

Kebaa ji nsaa nuu bee shin nɛ esa be kagbene bee fuli mo nna, ama amansherbi nɛ e beeŋ nya pɔɛŋ tiŋ n wora amo kikɛ.

Demujipoana 16:25

Jemanɛ nɛ kamooji luri bumo to ga na nɛ b boŋ to ŋ kaŋɛ: “Men ya keta Samsɔn m ba nɛ e ba deŋi anyi anishito.” Ndoŋ nna nɛ b ya lara Samsɔn kabuti to m ba. Kumo be kaman nɛ b fara a mushe mo a wora mo eyur to. Eshabɔrɛgboŋ nɛ e daa kɔ lambu nɛ b daa wɔ kumo to a yil na be nferinto nɛ b daŋ ta Samsɔn n yili.

Demujipoana 19:6

Ndoŋ nna nɛ bumo benyɛn anyɔ na chena n ji nseŋ nuu. Kumo be kaman nɛ eche na mo tuto kaŋɛ mo le: “Jande, di nfe kanyɛ ere n ji fo kumu ŋklade.”

Ruf be kawɔl 3:7

Bowas ka ji nseŋ nuu n loge nɛ kagbene fuli mo nɛ e yɔ asɔ nɛ b bri na ase n ya dese. Ndoŋ nna nɛ Ruf wora boeŋ boeŋ n ya mige Bowas be aya ase be kusɔbuuso na m buu n dese m mata mo.