Ɛfesesebi 6:4 - EBƆRƐ BE KAWƆL

⁴ Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Ɛfesesebi 6:4 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

Aŋasa 19:18

Ŋini fo mbia kusɔ nɛ k daga pɔɛŋ nɛ b daŋ; Fo baa maa gberge bumo kusoe a ŋini bumo asheŋ fee mɔ bumo ŋgblaŋto nna na.

Aŋasa 22:15

Kasogberge be kuchuchɔ e naa ju kawulisheŋ nɛ k bɔlɔ kebia to.

Aŋasa 22:6

Ŋini kebia ekpa nɛ k daga fanɛ e bɔla so, saŋɛ na so, e kaŋ daŋ e maaŋ kpele ashi kumo so.

Aŋasa 29:15

Keŋini be kasogberge bee sa kebia kanyiasheŋ nna, ama kebia nɛ b yige nɛ e bee wora mbe kepar bee wɔtɔ mo nio anishinyɔr to nna.

Aŋasa 29:17

Fo baa gberge fo mbia kusoe a ŋini bumo asheŋ baaŋ sa fo kasotowushi nɛ kagbenefuli.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Ɛfesesebi 6:3

“Men baa nu a sa bumo nɛ asheŋ e tiŋ n nyalɛ n sa menyi nɛ men tiŋ n chɛr kasawule ere so.”

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 6:7

Men baa ŋini menyi be mbia amo. Men baa kute amo to jemanɛ nɛ men wɔ elaŋ to nɛ jemanɛ nɛ men wɔ ekpa so nɛ jemanɛ nɛ menyee wushi nɛ jemanɛ nɛ menyee shuŋ kikɛ.

Kɔlɔsiebi 3:21

Betuto nɛ benio, men sa maa ŋmenyaŋ men be mbia ga nɛ bumo be aba e baa pɔ bumo.

2 Timoti 1:5

Mee kaa nyiŋi kagbene koŋwuleso be yirda nɛ fo kɔ. Yirda koŋwule nɛ fo nanache Lowis nɛ fo nio Yunis daa kɔ na gbagba chap nɛ m baa nyi fanɛ fo alɛ gba kɔ na.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Demujipoana 13:12

Ndoŋ nna Manoa naŋ bishi mo: “Nɛ fo kusɔ nɛ fo kaŋɛ na kaŋ wora kashenteŋ, manɛ nɛ kebia na beeŋ ba kaa wora? Nuso be kebaawɔtɔ nɛ e beeŋ ba kaa kɔ?”