Ɛfesesebi 6:20 - EBƆRƐ BE KAWƆL

²⁰ Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

Ɛfesesebi 6:20 ပူးပေါင်းရင်းမြစ်များ

Aŋasa 13:17

Kabɔ wulpo e naa bar kebagato, ama kabɔ nɛ e bee ji kashenteŋ bre bee bar kayurwushi nna.

Aizaaya 33:7

Benapo nɛ b kɔ kenyɛn bee kɔ a fin kechɛto ashi kadegboŋ na be agbembi so nna. Anyi be mbɔ daa tama kayurwushi nna, ama kushu nɛ b ta m ba epe.

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 40:1

Nebuzaradan nɛ e la benapo nɛ baa kuŋ Babilɔn be ewura na be enimu na ka sɔ ma n yige ashi Rama na be kaman nɛ Enyɛnpe Ebɔrɛ na malga ma kutɔ. B daŋ chɛ ma ŋgbɛlɛbi nna nseŋ daŋ keta ma nɛ Juda nɛ Jerusalɛm be basa nɛ b pɛ a yɔ Babilɔn be efuli so na nna n yɔ ndoŋ.

Ashuŋ Shunso 21:33

Nɛ enimu na yɔ Pɔɔl kutɔ n ya shin nɛ b pɛ mo nseŋ shin nɛ b ta ŋgbɛlɛbi anyɔ ŋ kre mo. Kumo be kaman nɛ e bishi: “Nuso be esa e la kanyɛn ere, nɛ manɛ nɛ e wora?”

Ashuŋ Shunso 26:29

Nɛ Pɔɔl kaŋɛ: “Nɛ fo ki Kristo be ebɛsopo epul ere to ŋko kachako so gba, kusɔ nɛ mee kule Ebɔrɛ e la fanɛ e shin nɛ fo nɛ bumo nɛ b yil nfe kabre a nu kamalga ere e ba ki kananɛ n du ere. Kusɔ nɛ m maa kule nɛ men nya e la kananɛ n wɔ ŋgbɛlɛbi to ere.”

Ashuŋ Shunso 28:20

Amoso nɛ n tre menyi nɛ ŋ kaŋɛ menyi amo na. Esa nɛ Israɛlebi na bee tama fanɛ e beeŋ ba na malɛ so nɛ ŋgbɛlɛbi ere wɔ ma enɔana to na.”

Ashuŋ Shunso 28:31

Ndoŋ koŋwule na malɛ nɛ e daa wɔ a bɔ Ebɔrɛ be kuwura na to be kubɔya na a sa basa kenyɛnso a malga kayurwushiso a ŋini Enyɛnpe Yesu Kristo be asheŋ.

Ashuŋ Shunso 5:29

Nɛ Pita nɛ mo braana beshuŋipo na kaŋɛ: “Ebɔrɛ e daga an ka nu n sa, mannɛ enyiŋgbasa.

2 Kɔrintebi 3:12

Ŋkpal an ka kɔ le be tama ere so, an kɔ kenyɛn nɛ an baa wora asheŋ.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 6:19

Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Filipaiebi 1:20

Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Kɔlɔsiebi 4:3

Kubɔya na so nɛ n wɔ kabuti to na.

Kɔlɔsiebi 4:4

Men baa kule Ebɔrɛ a sa ma nɛ n tiŋ m bugi wulo na be kubɔya na to nɛnɛ fanɛ kananɛ k daga ŋ ka malga.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

2 Timoti 1:16

Enyɛnpe e baa wu Onɛsifɔres be kowu to ebi kuwɔr, ŋkpal manɛ so, e leŋ ma to ale damta. E daa maŋ wora ma kabuti ere be anishinyɔr kikɛ,

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.

Failimɔn 1:10

a kule fo a sa m pibi Onisimɔs nɛ ŋ ki mo tuto abɔrɛsheŋ na be kaplɛa so ashi kabuti ere to nfe na.

Failimɔn 1:9

ama kasha so nɛ ma Pɔɔl bel le nseŋ naa wɔ kabuti to ŋkpal Kristo Yesu so

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.