Ɛfesesebi 6:19 - EBƆRƐ BE KAWƆL

¹⁹ Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Ɛfesesebi 6:19 ပူးပေါင်းရင်းမြစ်များ

Ashuŋ Shunso 13:46

Ama Pɔɔl nɛ Baanabas daŋ kplaŋ bumo so nna nsaa malga kenyɛnso a kaŋɛ: “Menyi nɛ b daŋ yili kumo fanɛ b fara m malga Ebɔrɛ be kamalga na n sa, ama men ka kini kumo nsaa ta menyi be amu fanɛ men maŋ daga Ebɔrɛ be ŋkpa nɛ k maŋ kɔ ekar na bre so, anyeeŋ yige menyi nseŋ yɔ nnyamase kutɔ.

Ashuŋ Shunso 14:3

Beshuŋipo na daŋ chɛr ndoŋ ga a malga Enyɛnpe na be asheŋ kenyɛnso, nɛ e sa bumo eleŋ nɛ b wora emamachisheŋ nɛ Ebɔrɛ be etɔɔnɛsheŋ damta ŋ ŋini fanɛ bumo be kubɔya nɛ k bee kute mbe kuwɔr be kakɛ na be asheŋ na la kashenteŋ nna.

Ashuŋ Shunso 18:26

Prisila nɛ Akwila ka nu e ka malga nshɛrbu na to kenyɛnso n loge nɛ b keta mo n yɔ epe n ya bugi Ebɔrɛ be asheŋ na to ŋ ŋini mo nɛnɛ.

Ashuŋ Shunso 19:8

Pɔɔl be afɔl asa nɛ e wɔtɔ a yɔ ndoŋ be nshɛrbu to n ya kaa malga basa na kutɔ kenyɛnso a ji bumo emɔrɔ a sha b ka yirda fanɛ Ebɔrɛ be kuwura na to be asheŋ nɛ e daa malga na la kashenteŋ nna.

Ashuŋ Shunso 2:4

Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Ashuŋ Shunso 28:31

Ndoŋ koŋwule na malɛ nɛ e daa wɔ a bɔ Ebɔrɛ be kuwura na to be kubɔya na a sa basa kenyɛnso a malga kayurwushiso a ŋini Enyɛnpe Yesu Kristo be asheŋ.

Ashuŋ Shunso 4:13

Nshɛrwuraana na ka wu kananɛ Pita nɛ Jɔn daŋ malga kenyɛnso nsaa la basa fuloŋ a maŋ nyi kawɔl nseŋ tiŋ n wora loŋ na, k daŋ chinchiŋ bumo ga. Ndoŋ nna nɛ b nyiŋi bumo nɛ Yesu ka daa la.

Ashuŋ Shunso 4:29

Naniere Enyɛnpe, fo nu kananɛ b fiɛ anyi so nna na, amoso, sa anyi, fo anya kenyɛn nɛ an tiŋ m bɔ fo kubɔya na n sa basa.

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Ashuŋ Shunso 9:27

Nɛ Baanabas ba mbe kechɛto to m ba keta mo n yɔ beshuŋipo na kutɔ n ya bugi asheŋ to ŋ kaŋɛ bumo kananɛ Sɔɔl daŋ wu Enyɛnpe na ekpa to nɛ Enyɛnpe na malga mo kutɔ. Kede be kaman nɛ e naŋ kaŋɛ bumo kananɛ Sɔɔl daŋ bɔ kubɔya na Yesu be ketre to kenyɛnso ashi Damaskɔs.

Ashuŋ Shunso 9:29

Mo nɛ Juwebi nɛ b daa malga Griik to na gba daŋ malga n ji emɔrɔ nɛ b kre bumo be nia a kɔ a fin kemɔ mo.

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

1 Kɔrintebi 1:5

Ŋkpal manɛ so, mo so nɛ men bɔla n nya nɛfa ashi ekpa kama so a tiŋ a malga mbe mmalga nsaa nya kanyiasheŋ damta.

1 Kɔrintebi 2:7

Kanyiasheŋ mo nɛ anyee malga kumo be asheŋ ere la Ebɔrɛ be wulo be kanyiasheŋ nna nɛ k daŋ ŋana basa so. Ama pɔɛŋ nɛ Ebɔrɛ to durnya ere, e yili asheŋ ere nna, saŋɛ na so anyeeŋ tu mo n luri mbe kemaŋkura to.

1 Kɔrintebi 4:1

Kananɛ k daga fanɛ men baa ta anyi e la fanɛ an la Kristo be anya nna nɛ Ebɔrɛ ta mbe ewulosheŋ m bɔɔ anyi enɔ.

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

2 Kɔrintebi 3:12

Ŋkpal an ka kɔ le be tama ere so, an kɔ kenyɛn nɛ an baa wora asheŋ.

2 Kɔrintebi 6:11

Kɔrintebi, an bugi to nna m malga asheŋ ere n sa menyi na nɛ anyi alɛ be ŋgbene malɛ baŋ bugi n sa menyi.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

2 Kɔrintebi 8:7

Men juŋkpar ekama nna ashi kusɔ kama to, ashi yirda to nɛ mmalga to nɛ kanyiasheŋ to nɛ kagbene koŋwule be kebaawɔtɔ to nɛ kasha mo nɛ men kɔ a sha anyi na so. Amoso, anyee sha fanɛ men baa kɔ kakɛ be kagbene ashi le be kasha be kushuŋ ere to.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 3:9

nseŋ naŋ shin nɛ basa kikɛ e wu kananɛ Ebɔrɛ beeŋ shin nɛ mbe wulo be kesheŋ naseso na e wora. Ebɔrɛ nɛ e to kusɔ kikɛ na e shin nɛ wulo nɛ mee malga kumo be asheŋ ere maŋ lar efuli jemanɛ damta nɛ k choŋ ere kikɛ.

Kɔlɔsiebi 2:2

saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.

Kɔlɔsiebi 4:3

Kubɔya na so nɛ n wɔ kabuti to na.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

1 Tɛsalɔnikaebi 5:25

Bekurgepoana, men baa kule Ebɔrɛ a sa anyi alɛ gba.

2 Tɛsalɔnikaebi 3:1

Ade kikɛ be buushi, bekurgepoana, men baa kule Ebɔrɛ a sa anyi nɛ Enyɛnpe be kubɔya na e nya manaŋ n sɔ kakpa kikɛ n nya kemaŋkura fanɛ kananɛ k daŋ wora menyi kutɔ na.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Failimɔn 1:22

Kumo be kaman, lɔŋɛ ebu ko n yili ma, ŋkpal manɛ so, ŋ kɔ tama fanɛ Ebɔrɛ beeŋ nu men kikɛ be kabɔrɛkule nseŋ lara ma n sa menyi.

Hibruwebi 13:18

Men baa kule Ebɔrɛ a sa anyi. An baa nyi geeŋ fanɛ anyi be nfɛra ka niŋi, anyi alɛ be kasha e la fanɛ, saŋkikɛ an baa wora asɔ nɛ a bɔla ekpa.