Ɛfesesebi 6:10 - EBƆRƐ BE KAWƆL

¹⁰ Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Ɛfesesebi 6:10 ပူးပေါင်းရင်းမြစ်များ

1 Kronikɛls 28:10

Baa nyi fanɛ Enyɛnpe Ebɔrɛ na e lara fo fanɛ fo pɔr mbe bɔrɛlambu cheembi na n sa mo. Amoso a daga fo ka nya kagbene m pɔr kumo nɛnɛ.”

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

2 Kronikɛls 15:7

Ama menyi ere e baa kɔ eleŋ nsaa maa pɔ aba ŋkpal manɛ so menyi be kushuŋ nɛ menyee wora na beeŋ bar tɔnɔ.”

Nshɛ 138:3

Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.

Aizaaya 40:28

Menyi maŋ nyi a? Menyi alɛ maŋ naŋ nu a? Fanɛ Enyɛnpe na e la Ebɔrɛ nɛ e wɔtɔ mbaanaayɔ; mo e to durnya kikɛ. E maa shuŋ a gben ŋko a gben a chul to kikɛ. Esa kikɛ malɛ maaŋ tiŋ m pin mbe nfɛra to.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Zakareya 8:9

Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

Ɛfesesebi 1:19

Kumo be kaman nɛ men naŋ pin mbe eleŋgboŋ nɛ k wɔ anyi nɛ an yirda ere to.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ditɛronɔmi 31:23

Kumo be kaman nɛ Enyɛnpe Ebɔrɛ na naŋ kaŋɛ Nun pibinyɛn, Joshuwa, le: “Baa kɔ kenyɛn nseŋ yili fo kagbene kukoŋwule. Ŋkpal manɛ so, ŋ gbagba e naaŋ chɛ fo to nɛ fo tiŋ n juŋkpar Israɛl be basa ere n yɔ kasawule nɛ n nase kumo be kɔnɔ n sa bumo na so.”

Filipaiebi 3:1

Ŋ kurgepoana, ma lalaloge be kamalga nde fanɛ Enyɛnpe e sa menyi kagbenefuli nɛnɛ. Kashenteŋto, ma kenaŋ n sibɛ asheŋ koŋwule ere gbagba n sa menyi maŋ tir ma, kumo be loŋ malɛ e naaŋ chɛ menyi to gba.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Jɔn 2:14

Mee sibɛ nna a sa menyi mbia ŋkpal men ka nyi etuto na so. Mee sibɛ nna a sa menyi betutoana ŋkpal men ka nyi mo ere esa nɛ e wɔ ŋkpa to sososo kikɛ na so. Mee sibɛ nna a sa menyi mbrantiɛbia ŋkpal men ka kɔ eleŋ nɛ Ebɔrɛ be kamalga na wɔ menyi to nɛ men pɔɔ alubipo na so so.

1 Samuɛl 23:16

Ndoŋ nna nɛ Jonatan yɔ Deevid kutɔ n ya leŋ mo to ŋ kaŋɛ mo fanɛ Ebɔrɛ beeŋ kuŋ mo,