Ɛfesesebi 5:5 - EBƆRƐ BE KAWƆL

⁵ Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Ɛfesesebi 5:5 ပူးပေါင်းရင်းမြစ်များ

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Ashuŋ Shunso 20:32

Naniere, Ebɔrɛ be enɔ to nɛ mbe kuwɔr be kakɛ be kubɔya na be kebaawɔtɔ to nɛ mee ta menyi a wɔtɔ to na. Kubɔya na e naaŋ tiŋ n shin nɛ menyi be kenyi e wora keshi n ti so n naŋ shin nɛ men nya nɛfa nɛ Ebɔrɛ kɔ a jo nɛ e sa mbe basa cheembi na.

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.

Galeeshaebi 5:19

Kapɔr lubi ere be asheŋ woraso malɛ baŋ dii efuli nna. Amo nde: Kesakaleasheŋ nɛ eyurpisheŋ nɛ asheŋ jiga be ashuŋ

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Kɔlɔsiebi 1:13

An Tuto na sɔ anyi ashi Setani be tentembiri be kuwurji to n yige nseŋ ta anyi n wɔtɔ mo Pibinyɛn shaso na be kuwurji to.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Joshuwa 7:21

n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.