Ɛfesesebi 5:4 - EBƆRƐ BE KAWƆL

⁴ Kumo alɛ maŋ naŋ daga men ka wɔ kawuli be mmalga ŋko epel lubiana be kebaawɔtɔ to. Loŋ be asheŋ maŋ daga. Kusɔ nɛ k daga men ka kɔ men be kebaawɔtɔ to e la kabɔrɛchɔrɔ.

Ɛfesesebi 5:4 ပူးပေါင်းရင်းမြစ်များ

Nshɛ 33:1

A daga fanɛ menyi bekama nɛ menyee wora asheŋ niŋiso na; e boŋ nshɛ kagbenefuliso ŋkpal kusɔ nɛ Enyɛnpe na wora so. Menyi nɛ menyee wora mo kasonu na; e boŋ nshɛ kagbenefuliso n fur mo.

Nshɛ 92:1

Kekpaŋ Enyɛnpetale Ebɔrɛ na nɛ keboŋ nshɛ n dele mo walɛ ga.

Aŋasa 12:23

Enyiashempo bee ta mbe kenyi nna a ŋana, ama ewulpo bre bee shin nɛ mbe kawuli bee di efuli nna.

Aŋasa 15:2

Enyiashempo be kamalga bee koli basa nna a ba mo kutɔ, ama kawulisheŋ e naa lar ewulpo bre be kɔnɔ to.

Kaŋinichiŋgeliŋ 10:13

Ewulpo bee fara kawulisheŋ be mmalga nna, kumo be lalaloge nɛ a ya bar kebagato.

Danɛl 6:10

Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ.

Maak 7:22

Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

2 Kɔrintebi 9:15

Anyee chɔrɔ Ebɔrɛ ga ŋkpal mbe kakɛ gboŋgboŋi nɛ esa maaŋ tiŋ n ji kumo be asheŋ ere so.

Ɛfesesebi 1:16

nsaa nyiŋi menyi ashi ma kabɔrɛkuleana to a kule an Nyɛnpe Yesu Kristo be Ebɔrɛ, Etuto nɛ kemaŋkura wɔ mo so ga na,

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

Kɔlɔsiebi 3:8

Ama naniere, men yige asheŋ lubi be kebaawora n yige kebaakɔ agbo, kebaanya agbo kenyɛnso, kebaala basa lubi, basa be kebaakuli nɛ kusɔ jigaya be kamalga.

1 Tɛsalɔnikaebi 3:9

Naniere anyeeŋ tiŋ n chɔrɔ Ebɔrɛ ŋkpal menyi so. Anyee chɔrɔ anyi be Ebɔrɛ na ŋkpal kagbenefuli nɛ e sa anyi ŋkpal menyi so na so.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

Failimɔn 1:8

Ŋkpal Kristo so n nyi ŋ ka daa beeŋ tiŋ n nya kagbene ŋ kaŋɛ fo kusɔ nɛ k daga fanɛ fo wora,

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 2:7

Ŋko nɛ e daŋ lara Lɔt nɛ e daa la elelapo ashi Ebɔrɛ be anishito na nɛ mbe kagbene daa maŋ dese mo ŋkpal mbrakinipoana na be kebaawɔtɔ jijaso na so,

Juud 1:10

Ama le be basa ere bre bee tege kusɔ kama nɛ b maa pin to nna. B baa du fanɛ kupuŋ to be asɔbɔya nɛ a maŋ kɔ nfɛra lela nna nseŋ baa wɔtɔ a wora asɔ kama nɛ a bee ba amo be amu to na nna, loŋ malɛ be asɔ na gbagba e naa mur bumo na.

Juud 1:13

B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.