Ndoŋ nna nɛ enyɛn na kaŋɛ: “Too, naniere bre esa nɛ mbe awibi shi ma awibi to nɛ mbe eyur malɛ gba shi ma eyur to nde. Baaŋ baa tre mo eche, ŋkpal manɛ so, ma to nɛ e shi.”
Men maŋ nyi fanɛ men be eyurana ere la Kristo gbagba be mba ko nna ŋko? To, k daga fanɛ n ta Kristo to be mba ko n ya chɔga sakaleche be eyur so a? Kuraa, loŋ maaŋ nya kikɛ.
Esa malɛ kikɛ maŋ naŋ kishi mo gbagba be eyur. Kusɔ nɛ e bee wora e la fanɛ e bee kaa sa kumo ajibi nna nsaa keni kumo so fanɛ kananɛ Kristo bee wora a sa asɔri na.
Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.
