Ɛfesesebi 5:27 - EBƆRƐ BE KAWƆL

²⁷ Saŋɛ na so e beeŋ ta asɔri na nɛ kumo be kela kikɛ nɛ kumo be kananɛ k ki cheembi nɛ kananɛ k maŋ kɔ kulubi kikɛ ŋko nɛ kananɛ kulubi kikɛ maŋ do kumo so nɛ kananɛ k maŋ nɔkɔr to ŋko kananɛ k maaŋ baa du bubɔrɔ kikɛ na m bɔɔ mo gbagba be kumu enɔ.

Ɛfesesebi 5:27 ပူးပေါင်းရင်းမြစ်များ

Nshɛ 45:13

Ma ewura, eche nɛ fee shin nɛ fo ta na be kebita shi mbe kagbene to nna. Shuwa be ejesebi nɛ b ta n jɔ mbe kejafɔ to be kale.

Nshɛ 87:3

Jerusalɛm la Ebɔrɛ be kadegboŋ nna, nɛ baa malga asheŋ lela damta ga a laŋɛ kumo be kaplɛa so.

Sɔlɔmɔn 4:7

Fo baa walɛ kebita nna nɛnɛ; Ŋ jipo, fo kebita maŋ kɔ emɔrɔ kikɛ.

Aizaaya 62:3

Feeŋ baa du fanɛ kuwurwuro lela kebita n sa Enyɛnpe Ebɔrɛ na.

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

2 Kɔrintebi 4:14

Ŋkpal manɛ so, an nyi fanɛ esa nɛ e tiŋi Enyɛnpe Yesu luwu to na beeŋ tiŋi anyi alɛ gba nɛ Yesu na nseŋ ta anyi nɛ menyi kikɛ n yɔ mo gbagba be anishito.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Juud 1:21

Men baa kɔ men be amu a wɔ Ebɔrɛ be kasha to a jo saŋɛ nɛ an Nyɛnpe Yesu Kristo beeŋ wu anyi kuwɔr n shin nɛ anyi nɛ mo e baa wɔtɔ mbaanaayɔ na.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.