Ɛfesesebi 5:25 - EBƆRƐ BE KAWƆL

²⁵ Benyɛn, men baa sha men be becheana fanɛ kananɛ Kristo sha asɔri na nseŋ ta mbe kumu n sa kumo na.

Ɛfesesebi 5:25 ပူးပေါင်းရင်းမြစ်များ

Jɛnesis 2:24

Amoso nɛ enyɛn baŋ ta eche, a daga fanɛ e yige mo tuto nɛ mo nio nseŋ ya far n chɛ mbe eche nɛ b ki eyur koŋwule.

Jɛnesis 24:67

Kubɔya na be kaman nɛ Aizek keta Rebɛka m ba wajɛbu nɛ mo nio Sɛɛra daa wɔtɔ na to m ba ta mo ŋ ki mbe eche. Rebɛka ka ba ki Aizek be eche na Aizek daa sha mo ga nɛ kumo be loŋ shin nɛ mo nio be luwu be ebesa nɛ k daa kɔ mo na lar nɛ kagbene wushi mo.

2 Samuɛl 12:3

Ama etirpo na bre, kubɔlpobi cheso koŋwule nawule nɛ e daa kɔ, mo alɛ daŋ tɔ kubɔlpobi cheso na gba nna nseŋ daa bela kumo nɛ mbe mbia kikɛ laŋ to. E bee kaa barga mbe ajibi jiso gba be ako nna a sa kumo nsaa shin nɛ k bee nuu nchu mbe kawie nuu nchu to, nɛ e bee ta kumo a deŋi mbe aya so nɛ k bee di. E daŋ ta kumo nna fanɛ mo pibicheso.

Sɔlɔmɔn 1:11

Anyeeŋ ta shuwa nɛ gbiti n lɔŋɛ akonde n sa fo.

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ɛfesesebi 5:24

Amoso, kananɛ asɔri bee bar kumo be kumu kaseto a sa Kristo na, loŋ koŋwule na e daga fanɛ bechekilpoana e baa ta bumo be amu a sa bumo kulana kusɔ kama to.

Ɛfesesebi 5:28

To, kananɛ k daga fanɛ benyɛn e baa wora nna na, kumo e la fanɛ b baa sha bumo be beche fanɛ kananɛ baa sha bumo gbagba be amu na. Enyɛn kama nɛ e bee sha mbe eche bee sha mo gbagba be kumu nna na.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Kɔlɔsiebi 3:19

Bekulana, men baa sha men be beche, men sa maa nyaŋ bumo.

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.